ही संधी चांगली आहे! तीन वर्षांत १७०० टक्के नफा मिळवून देणाऱ्या शेअरचा भाव अर्ध्यावर येणार

माझगाव डॉक शिपबिल्डर्सच्या शेअरची सध्याची फेस व्हॅल्यू १० रुपये आहे. आता या शेअरची दोन भागांत विभागणी केली जाईल. या विभाजनानंतर कंपनीच्या शेअर्सची अंकित किंमत प्रति शेअर ५ रुपयांपर्यंत खाली येईल. कंपनीनं २७ डिसेंबर २०२४ ची रेकॉर्ड डेट निश्चित केली आहे. म्हणजेच, या दिवशी कंपनीच्या रेकॉर्डमध्ये शेअर असलेल्या गुंतवणूकदारांना स्प्लिटचा लाभ होईल.

हेही वाचा: इन्कम टॅक्स विभाग १,३५९ कोटींचा रिफंड देणार हे कळताच बँकेचा शेअर उसळला! भाव ६० रुपयांपेक्षाही कमी

ऑक्टोबर महिन्यात दिला होता डिविडंड

कंपनीनं यंदाच्या वर्षात दोनदा गुंतवणूकदारांना डिविडंड दिला आहे. सुरुवातीला सप्टेंबर महिन्यात कंपनीनं पात्र गुंतवणूकदारांना १२.११ रुपयांचा लाभांश दिला होता. त्यानंतरच्या दुसऱ्याच महिन्यात ऑक्टोबरमध्ये गुंतवणूकदारांना प्रति शेअर २३.१९ रुपये लाभांश दिला होता.

कशी आहे शेअरची वाटचाल?

गेल्या दोन महिन्यांत माझगाव डॉक शिपबिल्डर्सच्या शेअरमध्ये २० टक्क्यांहून अधिक वाढ झाली आहे. तर ६ महिन्यांपासून शेअर ठेवणाऱ्या गुंतवणूकदारांना आतापर्यंत ५३ टक्के नफा मिळाला आहे. २०२४ मध्ये माझगाव डॉकनं ११५ टक्के परतावा दिला आहे. कंपनीच्या शेअरची किंमत २ वर्षात ४५७.९५ टक्के आणि ३ वर्षांत १७३६ टक्क्यांनी वाढली आहे. बीएसईमध्ये कंपनीचा ५२ आठवड्यांचा उच्चांक ५८५९.९५ रुपये आणि ५२ आठवड्यांचा नीचांकी स्तर १७९७.१० रुपये आहे.

हेही वाचा : घसरत चाललेला रुपया आणि महागणारा डॉलर तुमच्या आयुष्यावर कसा करतो परिणाम?

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)