दमदार फीचर्ससह मोटोरोलाच्या 'या' फोनची गुपचूप बाजारात एन्ट्री, पाण्यात पडला तरी काय होणार नाही!
Moto G75 5G: मोटोरोलाने मोटो जी७५ 5G स्मार्टफोन लॉन्च केला आहे. या फोनमध्ये ग्राहकांना तगडे फीचर्स मिळत आहेत.
Moto G75 5G Launched: मोटोरोलाने मोटो जी७५ 5G स्मार्टफोन लॉन्च केला आहे. कंपनीने संपूर्ण डिझाइन आणि स्पेसिफिकेशनसह फोनचे प्रॉडक्ट पेज आपल्या युरोपियन वेबसाईटवर लाईव्ह केले आहे. म्हणजेच हा फोन युरोपमध्ये लॉन्च करण्यात आला आहे. विशेष म्हणजे मोटो जी ७५ हा स्नॅपड्रॅगन ६ जेन ३ प्रोसेसरसह येणारा जगातील पहिला फोन आहे. मोटोरोलाच्या या फोनमध्ये आयपी ६८ डस्ट आणि वॉटर रेझिस्टन्स देण्यात आला आहे, यासोबतच हा फोन एमआयएल-एसटीडी-८१० एच मिलिटरी ग्रेड सर्टिफिकेशनसह येतो. मोटो
मोटो जी ७५ 5G: डिस्प्ले
मोटोरोलाचा मिड-रेंज 5G स्मार्टफोन मोटो जी ७५ ५ जी मध्ये ६.७८ इंचाची एफएचडी+ १२० हर्ट्झ एलसीडी स्क्रीन आहे आणि स्नॅपड्रॅगन ६ जेन ३ प्रोसेसरसह येतो.
मोटो जी ७५ 5G: स्टोरेज
या फोनमध्ये ८ जीबी रॅम, २५६ जीबीपर्यंत स्टोरेज असून मिलिटरी ग्रेड एमआयएल-एसटीडी-८१० एच प्रमाणित आहे. हा फोन आयपी ६८ प्रमाणित आहे.
मोटो जी ७५ 5G: कॅमेरा
फोनमध्ये ओआयएससह ५० एमपी सोनी एलवायटी- ६०० सेन्सर, मॅक्रो पर्यायासह ८ मेगापिक्सल अल्ट्रा-वाइड कॅमेरा आणि 4K व्हिडिओ रेकॉर्डिंगसह १६ मेगापिक्सल फ्रंट कॅमेरा आहे. या फोनमध्ये ग्राहकांना माययूएक्स स्किनसह अँड्रॉइड १४ मिळतो. मोटोरोला ५ वर्षांचे ओएस अपग्रेड आणि ६ वर्षांचे सिक्युरिटी अपडेट ऑफर करते.
मोटो जी ७५ 5G: बॅटरी
यात व्हेगन लेदर आणि मॅट पर्याय आहेत आणि फोनमध्ये ३० वॅट फास्ट चार्जिंगसाठी सपोर्ट सह ५००० एमएएच बॅटरी आहे, जी २५ मिनिटांत ५० टक्क्यांपर्यंत चार्ज होऊ शकतो. हा फोन १५ वॅट वायरलेस चार्जिंग मिळत आहे.
मोटोरोला एज ५० निओ भारतात लॉन्च
मोटोरोलाने नुकताच भारतात एज ५० सीरिजमधील आणखी एक स्मार्टफोन लॉन्च केला. ५ वर्षांच्या ओएस अपडेटसह येणारा हा मोटोरोलाचा पहिला फोन आहे. एज ५० निओ मिलिटरी ग्रेड एमआयएल- एसटीडी- ८१० एच प्रमाणपत्रासह येते. या स्मार्टफोनमध्ये ३००० निट्स ब्राइटनेस आणि १२० हर्ट्झ रिफ्रेश रेटसह ६.४ इंचाचा सुपर एचडी एलटीपीओ डिस्प्ले देण्यात आला आहे. मोटोरोलाच्या एज ५० सीरिजमध्ये मोटो एज ५० अल्ट्रा, मोटो एज ५० फ्यूजन आणि मोटो एज ५० प्रोचा समावेश आहे.
मोटोरोला एज ५० निओ: किंमत
मोटोरोला एज ५० निओ केवळ एका व्हेरियंटमध्ये लॉन्च करण्यात आला आहे. या स्मार्टफोनमध्ये ८ जीबी रॅम आणि २५६ जीबी इंटरनल स्टोरेज मिळत आहे. या फोनची किंमत २३ हजार ९९९ रुपये ठेवण्यात आली होती. एचडीएफसी बँकेच्या क्रेडिट कार्डद्वारे फोन खरेदी केल्यास १,००० रुपयांपर्यंत सूट मिळणार आहे. हा स्मार्टफोन नॉटिकल ब्लू, लॅट, ग्रिस्टेल आणि पोइन्सियाना या चार पॅंटोन-प्रमाणित रंगांमध्ये उपलब्ध आहे, सर्व फोन लेदर फिनिशसह येतात. मोटोरोला एज ५० निओचा पहिला सेल २५ सप्टेंबर रोजी संध्याकाळी ७ वाजता ई-कॉमर्स साइट फ्लिपकार्टवर सुरू होईल.
