धक्कादायक! खोकल्याच्या औषधांमध्ये विष! तब्बल १०० पेक्षा अधिक कफ सिरप गुणवत्ता चाचणीत झाले फेल!
Bad quality cough syrups : खोकल्यावरील औषधांत मोठ्या प्रमाणात विषयुक्त व शरीराला घातक ठरणारे घटक सापडले असून तब्बल १०० कप सीरपची गुणवत्ता ही खराब असल्याचे आढळून आली आहे. आफ्रिकन देशांतील मुलांच्या मृत्यूला हेच घटक कारणीभूत ठरल्याचे पुढे आले आहे.
Bad quality cough syrups : भारतीय कफ सिरप तयार करणाऱ्या औषध कंपन्यांवर जगातील अनेक देशांनी प्रश्न उपस्थित केले आहे. आफ्रिकन देशात भारतीय कफ सीरप मुळे काही मुलांचा मृत्यू झाला होता. यानंतर हा प्रश्न ऐरणीवर आला होत. याची दखल घेत भारतातील काही औषध कंपन्यांच्या कफ सीरफची तपासणी करण्यात आली असून याचा अहवाल पुढे आला आहे. या अहवालात किमान १०० कफ सिरपमध्ये मानवी शरीराला धोकादायक ठरणारे घटक आले आहे. या अहवालात असे सांगण्यात आले आहे की, कफ सिरपमध्ये आढळलेले हे विषयुक्त घटक गांबिया, उझबेकिस्तान आणि कॅमेरूनमधील मुलांच्या मृत्यूसाठी कारणीभूत ठरल्याचे देखील या अहवालात म्हटले आहे.
सेंट्रल ड्रग्ज स्टँडर्ड कंट्रोल ऑर्गनायझेशनने या तपासण्या केल्या. त्यांच्या मते, १०० कंपन्यांच्या कफ सिरपमध्ये डायथिलीन ग्लायकोल आणि इथिलीन ग्लायकॉल हे धोकादायक घटक आढळले आहेत. इकॉनॉमिक टाइम्सने आरोग्य मंत्रालयाला सादर केलेल्या अहवालानुयार डीईजी/ईजी, मायक्रोबायोलॉजिकल ग्रोथ, पीएच व्हॉल्यूम या आधारावर खोकल्यावर देण्यात येणारे कफ सिरपचे एनएसक्यु असे वर्गीकरण करण्यात आले आहे.
७ हजार ८७ पैकी ३५३ चे नमुने आढळले खराब
देशात तयार होणाऱ्या औषधांच्या ७ हजार ८७ कफ सीरफचे नमुने तपासण्यात आले त्यापैकी ३५३ नमुने हे एनएसक्यु श्रेणीमध्ये ठेवण्यात आले. तर ९ नमुन्यांमध्ये डीईजी आणि ईजीचे या द्रव्यांचे प्रमाण होते. डीईजी आणि ईजी सोबतच असुरक्षित पुरवठा साखळी आणि प्रोपीलीन ग्लायकोल बल्क चाचणीमध्ये खराब गुणवत्तेचे आढळले आहेत. काही देशात कफ सीरपमुळे लहान मुलांच्या मृत्यूनंतर भारतात बनवल्या जाणाऱ्या कफ सिरपवर प्रश्न उपस्थित केले जात होते. यानंतर सरकारी व खासगी प्रयोगशाळांमध्ये विविध कंपन्यांच्या कफ सीरपच्या नमुन्यांची तपासणी करण्यात आली.
WHO ने प्रश्न उपस्थित केले होते प्रश्न
वर्ल्ड हेल्थ ऑर्गनायझेशन (WHO) ने ऑक्टोबर २०२२ मध्ये भारतातील कफ सिरपवर औषध कंपन्यांवर प्रश्न उपस्थित केले होते. गॅम्बियामध्ये कफ सिरपमुळे मुलांचे मूत्रपिंड निकामी झाले होते तर ७० मुलांचा मृत्यू झाला होता. त्यानंतर देशातील औषध नियंत्रण विभागाच्या मदतीने देशभरातील कफ सिरप उत्पादन करणाऱ्या उद्योगांची तपासणी मोहीम हटी घेण्यात आली आहे. ग्रोपीलीन ग्लायकॉलच्या वापराबाबतही कंपन्यांना माहिती देण्यात आली आहे.
डीसीजीआयने राज्यांच्या औषध नियंत्रकांना निर्यातीसाठी बनवल्या जाणाऱ्या कफ सिरपची गांभीर्याने तपासणी करण्यास सांगितले आहे. याशिवाय, परदेश व्यापार महासंचालकांनी कफ सिरपच्या निर्यातदारांना औषध विदेशात पाठवण्यापूर्वी सरकारी प्रयोगशाळेत तपासण्याचे निर्देशही दिले.
संबंधित बातम्या