मोबिक्विकचा आयपीओ आला, पहिल्याच दिवशी १०० टक्के सबस्क्राइब झाला! करू शकतो मालामाल

जीएमपी किती?

मोबिक्विक आयपीओचा ग्रे मार्केट प्रीमियम मजबूत लिस्टिंगचे संकेत देत आहे. Investorgain.com दिलेल्या माहितीनुसार, मोबिक्विकचे शेअर्स १३६ रुपयांच्या प्रीमियमवर ट्रेड करत आहेत. हा कल पाहता हे शेअर्स ४१५ रुपयांपर्यंत लिस्ट होऊ शकतात. प्राइस बँडच्या तुलनेत ही वाढ ४८.७५ टक्के असेल. ग्रे मार्केट प्रीमियम (GMP) ही आयपीओ शेअर्सची अधिकृत किंमत नसते. ती सट्टेबाजीवर आधारित असते. वास्तविक लिस्टिंग किंमत जीएमपीपेक्षा वेगळी असू शकते. कंपनीचे शेअर्स १८ डिसेंबर रोजी बीएसई आणि एनएसईवर लिस्ट होऊ शकतात.

हेही वाचा: ५०० मेगावॅटच्या सौर प्रकल्पाचं कंत्राट मिळताच उसळला एनटीपीसी ग्रीन एनर्जीचा शेअर, किती आहे भाव?

हा आयपीओ बुधवार, १३ डिसेंबरपर्यंत सब्सक्रिप्शनसाठी खुला राहणार आहे. गुंतवणूकदार किमान ५३ इक्विटी शेअर्ससाठी आणि त्यानंतर ५३ इक्विटी शेअर्सच्या पटीत बोली लावू शकतात. 

का आणला जातोय आयपीओ?

हा आयपीओ ५७२ कोटी रुपयांचा पूर्णपणे नवीन इश्यू आहे आणि त्यात ऑफर फॉर सेलचा समावेश नाही. या आयपीओच्या माध्यमातून उभारण्यात येणाऱ्या निधीपैकी १५० कोटी रुपयांचा वापर वित्तीय सेवा व्यवसायाच्या वृद्धीसाठी केला जाणार आहे. पेमेंट सर्व्हिसेस व्यवसायाच्या वृद्धीसाठी १३५ कोटी रुपये, डेटा, एमएल, एआय आणि उत्पादन आणि तंत्रज्ञानातील संशोधन आणि विकासासाठी १०७ कोटी रुपयांची गुंतवणूक केली जाईल. याशिवाय ७०.२८ कोटी रुपये भांडवली खर्च, पे, पेमेंट डिव्हाइस, व्यवसाय आणि सामान्य कॉर्पोरेट हेतूसाठी वापरले जातील.

हेही वाचा: निसस फायनान्स सर्व्हिसेसची शेअर बाजारात दणक्यात एन्ट्री, पहिल्याच दिवशी गुंतवणूकदारांची चांदी

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)