IPO Listing Today : वन मोबिक्विक सिस्टीम्सचा आयपीओ लिस्ट झाला! पहिल्याच दिवशी ६० टक्के नफा

हा आयपीओ ११ ते १३ डिसेंबर या कालावधीत गुंतवणुकीसाठी खुला झाला होता. त्यास गुंतवणूकदारांचा उत्तम प्रतिसाद मिळाला. अवघ्या तीन दिवसांत हा इश्यू सुमारे १२५ वेळा सबस्क्राइब झाला होता. 

कोणत्या श्रेणीत किती सबस्क्रिप्शन?

एनएसईच्या आकडेवारीनुसार, ५७२ कोटी रुपयांच्या या आयपीओमध्ये १,१८,७१,६९६ शेअर्स विक्रीसाठी जारी करण्यात आले होते. प्रत्यक्षात एकूण १,४१,७२,६५,६८६ शेअर्ससाठी बोली लागली होती. किरकोळ गुंतवणूकदार (RII) श्रेणीत हा आयपीओ १३४.६७ पट, तर पात्र संस्थात्मक खरेदीदार (QIB) श्रेणीत ११९.५० पट, बिगर संस्थात्मक गुंतवणूकदार श्रेणीत १०८.९५ पट सब्सक्राइब झाला होता. या कंपनीनं अँकर गुंतवणूकदारांकडून २५७ कोटी रुपये उभे केले होते. आयपीओसाठी २६५ ते २७९ रुपये प्रति शेअर असा प्राइस बँड निश्चित करण्यात आला होता.

हेही वाचा: आज कोणते शेअर खरेदी कराल? तज्ज्ञांनी सुचवले १०० रुपयांपेक्षा कमी भाव असलेले हे ५ शेअर

आयपीओतील निधीचं काय करणार?

नवीन इश्यूमधील १५० कोटी रुपयांपर्यंतची गुंतवणूक वित्तीय सेवा व्यवसायाच्या वाढीसाठी केली जाईल, पेमेंट सर्व्हिसेस व्यवसायाच्या वाढीसाठी १३५ कोटी रुपयांची गुंतवणूक केली जाईल. डेटा, एमएल, एआय आणि उत्पादनं आणि तंत्रज्ञानातील संशोधन आणि विकासासाठी १०७ कोटी रुपयांची गुंतवणूक केली जाईल. ७०.२८ कोटी रुपये भांडवली खर्च, पे, पेमेंट डिव्हाइस, व्यवसाय आणि सामान्य कॉर्पोरेट हेतूसाठी वापरले जातील. 

हेही वाचा : जिओचे ८४ दिवस चालणारे दोन दमदार प्लान, दररोज ३ जीबीपर्यंत डेटासह नेटफ्लिक्सही फ्री

यापूर्वी हा आयपीओ पुढं ढकलण्यात आला होता. हा दुसरा प्रयत्न होता. यापूर्वी कंपनीनं जुलै २०२१ मध्ये आयपीओ लाँच करण्याची योजना आखली होती, परंतु बाजारातील प्रतिकूल परिस्थितीमुळं कंपनीनं आपला प्लान पुढं ढकलला होता आणि मसुदा कागदपत्रे मागे घेतली होती.

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)