मॅन इंडस्ट्रीजला मिळाली २५० कोटींची पाईप पुरवठ्याची ऑर्डर, कशी आहे कंपनीच्या शेअरची कामगिरी? पाहा!

गेल्या पाच वर्षांत मॅन इंडस्ट्रीज (इंडिया)चे समभाग ३८४ टक्क्यांनी वधारले आहेत. १४ फेब्रुवारी २०२० रोजी कंपनीचा शेअर ५४.३५ रुपयांवर होता, तो आज २६३ रुपयांवर बंद झाला. गेल्या वर्षभरात मॅन इंडस्ट्रीज (इंडिया)च्या शेअरमध्ये ३५ टक्क्यांहून अधिक घसरण झाली आहे. १२ फेब्रुवारी २०२४ रोजी कंपनीचा शेअर ४०६ रुपयांवर होता, तो आज, १२ फेब्रुवारी २०२५ रोजी २६३ रुपयांवर पोहोचला आहे. गेल्या ६ महिन्यांत कंपनीच्या शेअर्समध्ये ४० टक्क्यांहून अधिक घसरण झाली आहे. या काळात कंपनीचे समभाग ४५५ रुपयांवरून २६३ रुपयांवर आले आहेत. गेल्या महिनाभरात कंपनीच्या शेअर्समध्ये १४.९४ टक्क्यांची घसरण झाली आहे. 

हेही वाचा: हायब्रीड म्युच्युअल फंड म्हणजे काय? कोणी करावी गुंतवणूक? काय आहेत फायदे? वाचा!

आशिष कचोलिया यांची मोठी गुंतवणूक

दिग्गज गुंतवणूकदार आशिष कचोलिया यांचा मॅन इंडस्ट्रीज (इंडिया) मध्ये मोठा हिस्सा असून त्यांच्याकडं १३ लाख ६२ हजार ३९५ शेअर्स आहेत. आशिष कचोलिया यांचा कंपनीत २.०३ टक्के हिस्सा आहे. कंपनीच्या शेअरहोल्डिंगचा ही आकडेवारी डिसेंबर २०२४ तिमाहीपर्यंतची आहे.

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)