नोव्हेंबरच्या पहिल्या आठवड्यात येणार महारत्न कंपनीचा आयपीओ; १० हजार कोटी उभारण्याची योजना

सूत्रांनी दिलेल्या माहितीनुसार, कंपनीने भारतात (मुंबई) तसेच परदेशात, विशेषत: सिंगापूरमध्ये रोड शो करण्याची योजना आखली आहे. आयपीओच्या कागदपत्रांनुसार, कंपनीचा इश्यू पूर्णपणे नवीन शेअर्सच्या ऑफरवर आधारित असेल आणि यात कोणत्याही ऑफर फॉर सेल (ओएफएस) चा समावेश नसेल. एनटीपीसी ग्रीन एनर्जीचा आयपीओ अशा वेळी आला आहे जेव्हा या वर्षी आतापर्यंत 60 मेन-बोर्ड कंपन्यांचे आयपीओ आले आहेत.

एनटीपीसी ग्रीन एनर्जी ही 'महारत्न' केंद्रीय सार्वजनिक क्षेत्रातील कंपनी आहे. यात नवीकरणीय ऊर्जा विभाग आहे, ज्यात सहा पेक्षा जास्त राज्यांमध्ये पसरलेल्या सौर आणि पवन ऊर्जा मालमत्तांचा समावेश आहे. आयडीबीआय कॅपिटल मार्केट्स अँड सिक्युरिटीज, एचडीएफसी बँक, आयआयएफएल सिक्युरिटीज आणि नुवामा वेल्थ मॅनेजमेंट यांना आयपीओसाठी बुक रनिंग लीड मॅनेजर म्हणून नियुक्त करण्यात आले आहे.

कंपनीचे ध्येय काय आहे?

एनटीपीसी ग्रीन एनर्जीने २०३२ पर्यंत ६० गिगावॅट अक्षय ऊर्जेपर्यंत पोहोचण्याचे उद्दिष्ट ठेवले आहे. सध्या कंपनीकडे ३.५ गिगावॅट स्थापित आणि २८ गिगावॅट क्षमतेचे बांधकाम सुरू आहे. क्रिसिलच्या अहवालानुसार, अक्षय ऊर्जा क्षेत्रात भारत जगात चौथ्या क्रमांकावर आहे.

आर्थिक वर्ष २०१२ पर्यंत भारताच्या अक्षय ऊर्जा क्षेत्राची एकूण क्षमता ६३ गिगावॅट होती. जे आर्थिक वर्ष २०२१ पर्यंत १२३ गिगावॅटपर्यंत पोहोचले. आर्थिक वर्ष २०२४ पर्यंत १९१ गिगावॅट ची क्षमता गाठली गेली. त्यात जलविद्युत प्रकल्पाचाही समावेश आहे.