आयपीओ सुरू होण्याआधी माधुरी दीक्षितने खरेदी केले या दिग्गज कंपनीचे कोट्यवधी रुपयांचे शेअर्स!

माधुरी दीक्षितने दुय्यम बाजारात या कंपनीचे शेअर्स खरेदी केले आहेत. माधुरी दीक्षितसोबत रितेश मलिकनेही स्विगीमध्ये गुंतवणूक केली आहे. रितेश मलिक हे इनोव्ह8 चे संस्थापक आहेत. दीक्षित आणि मलिक यांनी मिळून तीन कोटी रुपयांचे शेअर्स खरेदी केले. दुय्यम बाजार म्हणजे जिथे कंपनीचे विद्यमान भागधारक हस्तक्षेप न करता कंपनीचे शेअर्स विकतात.

आयपीओरिपोर्टनुसार माधुरी दीक्षितने 345 रुपये प्रति शेअर या दराने गुंतवणूक केली आहे. मात्र, या संपूर्ण प्रकरणाबाबत स्विगीकडून कोणतेही अधिकृत वक्तव्य करण्यात आलेले नाही.

स्विगीचा आयपीओ या वर्षाच्या अखेरीस येऊ शकतो. बेंगळुरूस्थित कंपनीचा आयपीओ आकार ११,६६४ कोटी रुपये असू शकतो.

कंपनीची आर्थिक स्थिती कशी आहे?

आर्थिक वर्ष २०२४ मध्ये स्विगीचा महसूल ११,२४७ कोटी रुपये होता. जे आर्थिक वर्ष २०२३ च्या तुलनेत ३६ टक्के अधिक आहे. गेल्या वर्षी याच आर्थिक वर्षात कंपनीचे उत्पन्न ८२६५ कोटी रुपये होते. कंपनीच्या दृष्टीकोनातून चांगली बाब म्हणजे त्यांचा तोटा ४४ टक्क्यांनी कमी होऊन २३५० कोटी रुपयांवर आला आहे. आर्थिक वर्ष २०२४ मध्ये स्विगीची प्रतिस्पर्धी झोमॅटोला १२,११४ कोटी रुपयांचा महसूल मिळाला होता. या कालावधीत कंपनीचा नफा ३५१ कोटी रुपये झाला आहे. झोमॅटोच्या शेअरच्या किंमतीत यंदा १२० टक्क्यांनी वाढ झाली आहे. कंपनीची लिस्टिंग 2021 मध्ये झाली होती.