LPG price hike : महिन्याच्या पहिल्याच दिवशी झटका! घरगुती गॅस सिलिंडर महागला! किती रुपये मोजावे लागणार?

देशाच्या आर्थिक राजधानीत किती रुपयांना मिळणार सिलेंडर ? 

मुंबईकरांना देखील व्यावसायिक सिलेंडरच्या दरवाढीचा फटका बसला आहे. आज १ ऑगस्टपासून मुंबईत घरगुती एलपीजी सिलेंडर ८०२.५० रुपयांना मिळणार आहे. तर १९ किलोच्या निळ्या व्यावसायिक सिलेंडरची किंमत १६०५ रुपये झाली आहे. त्यात ७ रुपयांनी वाढ करण्यात आली आहे. पूर्वी हे दर १५९८ रुपये होते. चेन्नईतही एलपीजी सिलिंडरच्या दरात वाढ झाली आहे. आता येथे व्यावसायिक एलपीजी सिलिंडर १८१७ रुपयांना मिळणार आहे. पूर्वी हा दर १९०९.५० रुपये होता.

दिल्लीत १ ऑगस्टला म्हणजेच आजपासून व्यावसायिक सिलेंडर १६५२.५ रुपयांना मिळणार आहे. इंडेनचा हा सिलेंडर १ जुलै रोजी तो १६४६ रुपये होता. यामध्ये ६.५० रुपयांची किरकोळ वाढ करण्यात आली आहे. येथे घरगुती एलपीजी सिलिंडरच्या दरात कोणताही बदल झालेला नाही. घरगुती १४ किलोच्या सिलेंडरची किंमत ८०३ रुपये आहे. तर १० किलो कंपोझिट एलपीजी सिलेंडर ५७४.५ रुपयांना उपलब्ध आहे.

कोलकात्याबद्दल बोलायचे झाले तर, येथे घरगुती एलपीजी सिलिंडर जुन्या ८२९ रुपये दराने उपलब्ध आहे, परंतु व्यावसायिक सिलिंडर महाग झाला आहे. आजपासून व्यावसायिक सिलेंडर हा १७५६ रुपयांऐवजी १७६४.५ रुपयांना मिळेल. येथे या १९ किलोच्या सिलेंडरची किंमत ८.५० रुपयांनी वाढली आहे. येथे १० किलो कंपोझिट सिलेंडरची किंमत ५९३ रुपये आहे.

Vidhan Sabha Election: गणेशोत्सवापूर्वीच महाराष्ट्र विधानसभेच्या तारखांची घोषणा होण्याची शक्यता

पाटण्यात आज १४.२ किलोचा इंडेन एलपीजी सिलिंडर ९०१ रुपयांना उपलब्ध आहे. तर, १९ किलोच्या व्यावसायिक सिलेंडरची किंमत १९१५.५ रुपयांऐवजी १९२३.५ रुपये झाली आहे. अहमदाबाद, गुजरातमध्ये १९ किलोचा निळा सिलेंडर आता १६६५ रुपयांऐवजी १६७१.५० रुपयांना मिळणार आहे. तर, १४ किलोच्या घरगुती एलपीजी लाल सिलेंडरची किंमत फक्त ८१० रुपये आहे.