Lava Blaze Duo: दोन डिस्प्ले असलेला स्मार्टफोन उद्यापासून विक्रीसाठी उपलब्ध, पहिल्याच सेलमध्ये जबरदस्त डिस्काउंट

लावा ब्लेज डुओ 5G दोन व्हेरियंटमध्ये लाँच करण्यात आला आहे. ६ जीबी रॅम + १२८ जीबी स्टोरेज व्हेरियंटची किंमत १६ हजार ९९९ रुपये आहे. तर, ८ जीबी रॅम + १२८ जीबी स्टोरेज असलेल्या व्हेरिएंटची किंमत १७ हजार ९९९ रुपये आहे. हा फोन तुम्ही सेलेस्टियल ब्लू आणि आर्क्टिक व्हाईट रंगात खरेदी करू शकता.

पहिल्या सेलमध्ये ग्राहकांना २००० रुपयांचा बँक डिस्काउंट मिळू शकतो. एचडीएफसी बँक कार्डधारकासाठी हा फोन उपलब्ध असेल. याशिवाय, या फोनवर २००० रुपयांचा इन्स्टंट डिस्काउंट मिळत आहे. त्यामुळे कमी बजेटमध्ये दमदार फीचर्स असलेल्या स्मार्टफोनच्या शोधात असलेल्या ग्राहकांसाठी चांगली संधी उपलब्ध झाली आहे.

लावा ब्लेझ डुओ 5G फीचर्स

लावा ब्लेझ डुओ 5G डिस्प्ले: लावा ब्लेझ डुओ 5G मध्ये मीडियाटेक डायमेंसिटी ७०२५ प्रोसेसर आहे. हा फोन कोणत्याही ब्लोटवेअरशिवाय अँड्रॉइड १४ वर चालतो. लवकरच या फोनमध्ये अँड्रॉइड १५ अपडेट उपलब्ध होईल, असे आश्वासन कंपनीने दिले आहे. फोनच्या मागील बाजूस १.५८ इंचाचा सेकंडरी अमोलेड डिस्प्ले देण्यात आला आहे. फोनमध्ये १२० हर्ट्झ रिफ्रेश रेटसह ६.६७ इंचएफएचडी+ ३डी कर्व्ड एमोलेड डिस्प्ले देण्यात आला आहे. या फोनमध्ये ५००० एमएएचची बॅटरी आहे, जी ३३ वॅट फास्ट चार्जिंगला सपोर्ट करते. लावा ब्लेझ डुओ 5G मध्ये मागील बाजूस ड्युअल कॅमेरा सेटअप आहे, ज्यात ६४ एमपी प्रायमरी सोनी सेन्सर आणि २ एमपी मॅक्रो युनिट आहे. तर, यात १६ मेगापिक्सलचा सेल्फी कॅमेरा देण्यात आला आहे.

लावाने गेल्या महिन्यात त्यांचा नवा स्मार्टफोन लावा युवा ४ लॉन्च केला होता. या फोनचे डिझाइन आयफोन १५ सारखे दिसते. लावा युवा ४ मध्ये ९० हर्ट्झ रिफ्रेश रेट, ५० एमपी रियर कॅमेरा आणि ५००० एमएएच बॅटरी मिळत आहे. लावा युवा ४ ची सुरुवाती किंमत ६ हजार ९९९ रुपये आहे. फोन ४ जीबी रॅम + ६४ जीबी स्टोरेज आणि ४ जीबी रॅम + १२८ जीबी स्टोरेज या दोन व्हेरियंटमध्ये उपलब्ध आहे.हा फोन या नोव्हेंबरपासून रिटेल आउटलेट्स आणि पार्टनर स्टोअर्सवर उपलब्ध झाला आहे. हा फोन ग्लॉसी व्हाईट, ग्लॉसी पर्पल आणि ग्लॉसी ब्लॅक रंगात उपलब्ध आहे.