Multibagger Stock : अवघ्या चार वर्षांत १ लाखाचे झाले ८९ लाख! तीनदा बोनस शेअर देणारी ही कंपनी आहे कोणती?

लान्सर कंटेनर लाइन्सचा (Lancer Container Lines) शेअर १८ डिसेंबर २०२० रोजी ४.०७ रुपयांवर व्यवहार करत होता. एखाद्या व्यक्तीनं १८ डिसेंबर २०२० रोजी कंपनीचे शेअर्स १ लाख रुपयांना खरेदी केले असते तर त्याला २४,५७० शेअर्स मिळाले असते. लान्सर कंटेनर लाइन्सनं २०२० पासून दोनवेळा बोनस शेअर दिले आहेत. कंपनीनं ऑक्टोबर २०२१ मध्ये २:१ या प्रमाणात बोनस शेअर्स दिले. कंपनीनं सप्टेंबर २०२३ मध्ये पुन्हा २:१ या प्रमाणात बोनस शेअर्सचं वाटप केलं. म्हणजेच कंपनीनं दोन्ही वेळा प्रत्येक एका शेअरवर २ बोनस शेअर्स दिले आहेत. या बोनस शेअर्सची बेरीज केल्यास एक लाख रुपयांत खरेदी केलेल्या शेअर्सची एकूण संख्या २,२१,१३० शेअर्स होईल. लान्सर कंटेनर लाइन्सचा शेअर आज म्हणजेच १९ डिसेंबर २०२४ रोजी ४०.५० रुपयांवर व्यवहार करत आहे. सध्याच्या शेअर किमतीनुसार लान्सर कंटेनर लाइन्सच्या २,२१,१३० शेअर्सची किंमत ८९.५५ लाख रुपये आहे.

हेही वाचा : रुबाबदार, डौलदार किया सायरोस अखेर भारतात लाँच; कितीही पाहा, मनच भरत नाही!

२०१८ पासून तीन वेळा बोनस शेअर्स

मल्टीबॅगर कंपनी लान्सर कंटेनर लाइन्सनं २०१८ पासून ३ वेळा आपल्या गुंतवणूकदारांना बोनस शेअर्स भेट दिले आहेत. कंपनीनं जानेवारी २०१८ मध्ये ३:५ या प्रमाणात बोनस शेअर्स दिले. म्हणजेच कंपनीनं प्रत्येक ५ शेअरमागे ३ बोनस शेअर्सचं वाटप केलं. कंपनीनं ऑक्टोबर २०२१ मध्ये २:१ गुणोत्तरात बोनस शेअर्स दिले. म्हणजेच लान्सर कंटेनर लाइन्सनं प्रत्येक एका शेअरमागे २ बोनस शेअर्स दिले. उद्योगाशी संबंधित कंपनीनं सप्टेंबर २०२३ मध्ये २:१ या प्रमाणात बोनस शेअर्स दिले आहेत. 

हेही वाचा: पहिल्याच दिवशी शेअरचा भाव १९०० पार; रेखा झुनझुनवाला यांचीही आहे कंपनीत गुंतवणूक

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)