IPO Listing : लक्ष्य पॉवरटेकची शेअर मार्केटमध्ये जोरदार सलामी! पहिल्याच दिवशी गुंतवणूकदारांचे पैसे दुप्पट

लक्ष्य पॉवरटेक लिमिटेडच्या शेअर्सची एनएसईवर जोरदार लिस्टिंग झाली. एनएसईवर कंपनीचा शेअर ३४२ रुपयांवर सूचीबद्ध झाला. शेअरची मूळ किंमत १८० रुपये होती. म्हणजेच, हा आयपीओ मूळ किमतीच्या ९० टक्के प्रीमियमवर लिस्ट झाला. लिस्टिंगनंतरही शेअरमध्ये जबरदस्त वाढ झाली आणि ५ टक्क्यांचं अप्पर सर्किट लागलं. हा शेअर ३५९.१० रुपयांच्या उच्चांकी पातळीवर पोहोचला आणि गुंतवणूकदारांना १०० टक्के नफा देऊन गेला. 

हेही वाचा: एका बातमीनं जादू केली! पेटीएमचा शेअर खरेदी करण्यासाठी अक्षरश: झुंबड

आयपीओला मिळाला होता चांगला प्रतिसाद

लक्ष्य पॉवरटेकचा आयपीओ १६ ते १८ ऑक्टोबर या कालावधीत गुंतवणुकीसाठी खुला झाला होता. त्याचा दरपट्टा १८० रुपये निश्चित करण्यात आला होता. तीन दिवसांत हा आयपीओ ५७३.३६ पट सब्सक्राइब झाला. एनएसईच्या आकडेवारीनुसार, ४९.९१ कोटी रुपयांच्या आयपीओतील ७,२५,५२० शेअर्सच्या तुलनेत १,०८,३१,६३,२०० शेअर्ससाठी बोली लागली होती. सर्वाधिक बोली संस्थात्मक खरेदीदारांनी (QIB) लावली होती. पात्र संस्थात्मक श्रेणीत हा आयपीओ २१२.१८ पट, तर किरकोळ गुंतवणूकदारांच्या श्रेणीत ५९०.२६ पट सब्सक्राइब झाला होता. 

काय करते ही कंपनी?

लक्ष्य पॉवरटेक ही कंपनी २०१२ साली स्थापन झाली आहे. लक्ष्य पॉवरटेक लिमिटेडची सुरुवात मेकॅनिकल आणि इलेक्ट्रिकल सेवांमध्ये तज्ञ अभियांत्रिकी, खरेदी, बांधकाम आणि कमिशनिंग (ईपीसीसी) सेवा पुरवठादार म्हणून झाली. त्यानंतर कंपनीनं गॅसवर चालणारे वीज प्रकल्प आणि मोठ्या प्रमाणात वीजनिर्मिती प्रकल्पांसाठी ऑपरेशन अँड मेंटेनन्स (ओ अँड एम) सेवा देण्यास सुरुवात केली आहे.

हेही वाचा: एकावर तीन शेअर फुकट देतेय ही चिमुकली कंपनी; २२० टक्क्यांनी वाढला भाव, तुमच्याकडं आहे का 'हा' शेअर?

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणूक करण्याआधी आर्थिक सल्लागाराशी चर्चा करा.)