केआरएन हीट एक्स्चेंजरचा आयपीओ विक्रम करणार! पहिल्याच दिवशी मिळालं २४ पट सबस्क्रिब्शन

ग्रे मार्केट प्रीमियम आयपीओमध्ये केआरएन हीट एक्स्चेंजरच्या शेअरची किंमत 
२२० रुपये आहे. तर ग्रे मार्केटमध्ये कंपनीचे शेअर्स २३९ रुपयांच्या प्रीमियमवर ट्रेड करत आहेत. ग्रे मार्केट प्रीमियम (जीएमपी) पाहिला तर केआरएन हीट एक्स्चेंजरचे शेअर्स ४५९ रुपयांच्या जवळपास लिस्ट होऊ शकतात. म्हणजेच ज्या गुंतवणूकदारांना आयपीओमध्ये कंपनीचे शेअर्स देण्यात येतील, त्यांना लिस्टिंगच्या दिवशी १०८ टक्क्यांपेक्षा जास्त नफ्याची अपेक्षा असू शकते. कंपनीचे शेअर्स मुंबई स्टॉक एक्स्चेंज आणि नॅशनल स्टॉक एक्स्चेंजमध्ये लिस्ट होतील. कंपनीचे शेअर्स ३ ऑक्टोबर २०२४ रोजी बाजारात लिस्ट होतील.

केआरएन हीट एक्स्चेंजरच्या आयपीओला पहिल्या दिवशी २४.६२ पट बोली लागली आहे. आयपीओमध्ये किरकोळ गुंतवणूकदारांचा कोटा २४.८४ पट सब्सक्राइब करण्यात आला. तर बिगर संस्थात्मक गुंतवणूकदार (एनआयआय) श्रेणीवर ५४.२९ पट सट्टा लावण्यात आला आहे. हा आयपीओ क्वालिफाइड इन्स्टिट्यूशनल बायर्स (क्यूआयबी) श्रेणीत १.४४ पट सब्सक्राइब झाला आहे. कंपनीच्या आयपीओमध्ये किरकोळ गुंतवणूकदार कमीत कमी 1 लॉट आणि जास्तीत जास्त 13 लॉटसाठी सट्टा लावू शकतात. आयपीओच्या एका लॉटमध्ये ६५ शेअर्स आहेत. म्हणजेच किरकोळ गुंतवणूकदारांना एका लॉटसाठी 14300 रुपयांची गुंतवणूक करावी लागणार आहे.