Kia Syros (किया सिरॉस) एसयूव्ही भारतीय मार्केटमध्ये लाँच करण्यात आली आहे. कंपनीने याची सुरुवातीची किंमत ९ लाख रुपये (एक्स-शोरूम) ठेवली आहे. कार निर्माता कंपनी Kia India (किया इंडिया) ने नवीन किआ सिरोस लाँच करताना मिड आणि कॉम्पॅक्ट एसयूव्ही श्रेणींदरम्यान एक नवीन एसयूव्ही सेगमेंट सादर केले आहे. सिरोस एसयूव्ही खरेदी करण्यास इच्छुक ग्राहकांसाठी ही कार कंपनीच्या अधिकृत डीलरशिपवर उपलब्ध आहे. किआ सिरोसची डिलीव्हरी लवकरच सुरू होण्याची शक्यता आहे.
कंपनीचे प्रीमियम मॉडेल्स ईव्ही ९ व कार्निवलमधील डिझाइनमधून प्रेरणा घेत सिरॉसमध्ये अत्याधुनिक तंत्रज्ञान, प्रीमियम आरामदायीपणा व आकर्षक डिझाइनचे एकत्रिकरण आहे.
किया इंडियाचे चीफ सेल्स ऑफिसर जून्सू चो म्हणाले, भारतात एसयूव्हीची मागणी वाढत आहे. या विकसित होत असलेल्या प्राधान्यक्रमांशी बांधील राहत किया इंडिया नाविन्यता आणि ग्राहक-केंद्रित डिझाइनच्या माध्यमातून ऑटोमोटिव्ह उद्योगामध्ये नवीन म़ॉडेल बाजारात आणत असते. किया सिरॉसमध्ये प्रगत तंत्रज्ञान, आरामदायीपणा आणि आकर्षक डिझाइनचे संयोजन आहे.
२,५५० मिमी व्हीलबेससह किया सिरॉस प्रवाशांच्या आरामदायीपणाला प्राधान्य देते. ७६.२ सेमी (३० इंच) त्रिनिटी पॅनोरॅमिक डिस्प्ले पॅनेल कनेक्टेड कार नेव्हिगेशन कॉकपीटप्रमाणे सेवा देते, ज्यामधून विनासायास डिजिटल इंटरफेस मिळते.
• ५-इंच क्लायमेट कंट्रोल डिस्प्ले, जे जलदपणे व सहजपणे क्लायमेट सेटिंग्ज देते.
• वायरलेस अॅप्पल कारपले व अँड्रॉईड ऑटोसह सर्वोत्त्म ऑडिओ अनुभवासाठी हार्मन कार्डन प्रीमियम ८-स्पीकर साऊंड सिस्टम.
• रिअर सीट व्हेंटिलेशन, पुढील आसनांपर्यंत आरामदायीपणा.
• स्लायडिंग व रिक्लायनिंग ६०:४० स्प्लिट रिअर सीट्स ज्या स्थिर बूट स्पेस आणि सुधारित प्रवासी आरामदायीपणा देतात.
• ड्युअल-पेन पॅनोरॅमिक सनरूफ, जे केबिनमध्ये हवा खेळती राहण्याचा अनुभव देते.
किया सिरॉस दोन इंजिन पर्यायांमध्ये उपलब्ध आहे:
• स्मार्टस्ट्रीम १.०-लिटर टूर्बो पेट्रोल इंजिन (८८.३ केडब्ल्यू/१२० पीएस, १७२ एनएम)
• १.५-लिटर सीआरडीआय डिझेल इंजिन (८५ केडब्ल्यू/११६ पीएस, २५० एनएम)
दोन्ही इंजिन्स मॅन्युअल व ऑटोमॅटिक ट्रान्समिशन पर्यायांसोबत कियाचे ६एमटी कन्फिग्युरेशन असलेल्या पहिल्याच स्मार्टस्ट्रीम जी१.० टर्बो जीडीआयसह ऑफर करण्यात आले आहेत.
सिरॉस एचटीके, एचटीकेक+, एचटीएक्स, एचटीएक्स+ या चार ट्रिम्समध्ये, तसेच ग्लेशियर व्हाइट पर्ल, स्पार्कलिंग सिल्व्हर, प्यूटर ऑलिव्ह, इंटेन्स रेड, फ्रॉस्ट ब्ल्यू, अरोरा ब्लॅक पर्ल, इम्पेरिअल ब्ल्यू आणि ग्रॅव्हिटी ग्रे या आठ रंगांच्या पर्यायांमध्ये उपलब्ध आहे.
संबंधित बातम्या