stock market news : १३ दिवसांत पैसे दुप्पट! 'हा' शेअर घेण्यासाठी गुंतवणूकदारांची झुंबड, आजही १८ टक्के उसळला!

जॉन कॉकेरिल इंडिया लिमिटेडच्या शेअरमध्ये आज १८ टक्क्यांची वाढ पाहायला मिळाली. या मल्टीबॅगर शेअरची किंमत ५४६२.६० रुपयांच्या पातळीवर उघडली. दिवसभरात कंपनीनं ६४४३ रुपयांचा उच्चांक गाठला. कंपनीचा हा ५२ आठवड्यांतील उच्चांक आहे. गेल्या दोन दिवसांत शेअरचा भाव ४२ टक्क्यांहून अधिक वधारला आहे.

हेही वाचा: ५० पैशांच्या शेअरनं केली मोठी कमाल; गुंतवणूकदार झाले अक्षरश: मालामाल

या महिन्याच्या सुरुवातीला, ५ जून रोजी कंपनीच्या शेअरची किंमत ३२५० रुपयांच्या पातळीवर होती. त्यानंतरच्या १३ दिवसांत कंपनीच्या शेअर्सच्या किंमतीत ९८ टक्क्यांहून अधिक वाढ झाली आहे. म्हणजेच या काळात गुंतवणूकदारांचे पैसे जवळपास दुप्पट झाले आहेत.

गेल्या महिन्यात दिला होता डिविडंड

जॉन कॉकेरिल इंडियानं मे महिन्यात पात्र गुंतवणूकदारांना लाभांश जाहीर केला होता. प्रति शेअर ७ रुपये लाभांश देण्यात आला. कंपनीनं ६ ऑगस्ट २००१ रोजी पहिल्यांदा एक्स-डिव्हिडंड ट्रेड केला होता. तेव्हा कंपनीनं शेअरमागे २ रुपये लाभांश दिला होता. त्यानंतर ६ वर्षांनंतर कंपनीनं ९ रुपयांचा लाभांश दिला. त्यानंतर २०१२ पर्यंत कंपनीनं सातत्याने लाभांश दिला होता.

हेही वाचा: व्हॉट्सॲपनं स्टेटस अपडेटमध्ये केला मोठा बदल! युझर्सना आवडतोय नवा लूक

शेअर बाजारातील कामगिरी कशी?

गेल्या ६ महिन्यांत कंपनीच्या शेअर्सच्या किंमतीत ९० टक्क्यांहून अधिक वाढ झाली आहे. ज्या गुंतवणूकदारांनी किमान एक वर्ष या कंपनीचे शेअर घेऊन ठेवले होते, त्यांना १२० टक्के नफा झाला आहे. म्हणजेच या काळात पोझिशनल गुंतवणूकदारांचे पैसे दुप्पट झाले आहेत. जॉन कॉकेरिल इंडिया लिमिटेडचं मार्केट कॅप २९६५.७५ कोटी रुपये आहे.

कंपनीत प्रवर्तकांचा ७५ टक्के हिस्सा आहे. सर्वसामान्य गुंतवणूकदारांचा वाटा २४.९१ टक्के आहे. डिसेंबर तिमाहीत परदेशी गुंतवणूकदारांचा हिस्सा नव्हता. परंतु मार्च तिमाहीत तो ०.०२ टक्क्यांपर्यंत वाढला आहे.

हेही वाचा: रिलायन्स जिओचा ग्राहकांना मोठा धक्का; वर्षभर चालणारा सर्वात स्वस्त प्लान बंद!

(डिस्क्लेमर: वरील वृत्त हे केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं कोणताही गुंतवणुकीचा निर्णय घेण्यापूर्वी तुमच्या आर्थिक सल्लागाराशी चर्चा करा.)