मराठी बातम्या  /  बिझनेस  /  Reliance Jio : जिओचे रिचार्ज उद्यापासून महागणार; ग्राहक 'अशी' आयडिया वापरुन वाचवू शकतात पैसे!

Reliance Jio : जिओचे रिचार्ज उद्यापासून महागणार; ग्राहक 'अशी' आयडिया वापरुन वाचवू शकतात पैसे!

Jul 02, 2024 07:29 PM IST

Reliance Jio Announces Tariff Hike From July 3: भारतातील आघाडीची टेलिकॉम कंपनी रिलायन्स जिओने त्याच्या प्रीपेड आणि पोस्टपेड प्लानच्या किंमती वाढवल्या आहेत. ही दरवाढ उद्यापासून लागू केली जाणार आहे.

रिलायन्स जिओ ३ जुलै २०२४ पासून त्यांच्या प्लानमध्ये दरवाढ करण्याची घोषणा केली.
रिलायन्स जिओ ३ जुलै २०२४ पासून त्यांच्या प्लानमध्ये दरवाढ करण्याची घोषणा केली. (PTI)

Reliance Jio Tariff Hike: टेलिकॉम क्षेत्रातील दिग्गज कंपनी जिओने भारतातील इतर खासगी कंपन्यांसह ३ जुलैपासून शुल्कवाढीची घोषणा केली. उद्यापासून नवी दरवाढ लागू होणार आहे. याआधीच ग्राहक रिचार्ज करून आपले पैसे वाचवू शकतात. जिओ युजर्स मासिक, तिमाही किंवा वार्षिक कालावधीचे प्लान रिचार्ज करू शकतात.

रिलायन्स जिओने घोषणा केली आहे की, आता लाखो युजर्सना पूर्वीप्रमाणे स्वस्त प्लॅनसह रिचार्ज केल्यास अनलिमिटेड 5जी डेटाचा लाभ दिला जाणार नाही. कंपनी आधी 5 स्वस्त प्रीपेड प्लॅनसोबत अनलिमिटेड 5 जी डेटा ऑफर करत होती, त्यांच्यासोबत रिचार्ज केल्यास आता मर्यादित डेली डेटा मिळेल आणि हा डेटा 4G स्पीड देईल.

ट्रेंडिंग न्यूज

जिओचा १५५ रुपयांचा प्लॅन:

 मर्यादित डेटा (एकूण २ जीबी) असलेला प्लॅन 4G फोन असलेल्या युजर्ससाठी महत्त्वाचा आहे. एक महिन्याच्या वैधतेसह हा सर्वात किफायतशीर प्लान आहे, ३ जुलैनंतर या प्लानसाठी १८९ रुपये द्यावे लागेल.

 जिओचा २९९ रुपयांचा प्लॅन:

 जिओच्या २९९ रुपयांच्या प्लानमध्ये २८ दिवसांच्या वैधतेसह दररोज २ जीबी 4G डेटा आणि अनलिमिटेड 5G वापराचा सर्वात स्वस्त अॅक्सेस मिळतो. 3 जुलैनंतर या प्लॅनची किंमत ३४९ रुपये असेल.

जिओचा ५३३ रुपयांचा प्लॅन:

जिओच्या ५३३ रुपयांच्या प्लॅनमध्ये ५६ दिवसांची वैधता आणि दररोज २ जीबी ४जी डेटा कॅप आणि अनिर्बंध ५जी अॅक्सेस मिळतो. 3 जुलैपासून हा दर ६२९ रुपयांवर पोहोचला आहे.

जिओचा ७४९ रुपयांचा प्लॅन:

जिओच्या ७४९ रुपयांच्या प्लॅनमध्ये ९० दिवसांची वैधता आणि दररोज २ जीबी ४जी डेटा, अनलिमिटेड ५जी अॅक्सेस मिळतो. यात अतिरिक्त २० जीबी ४जी डेटासह क्रिकेट ऑफरचा समावेश आहे.

जिओचा २९९९ रुपयांचा प्लॅन:

३६५ दिवसांची वैधता असलेला सर्वात किफायतशीर वार्षिक प्लॅन, दररोज २.५ जीबी ४जी डेटा आणि अनलिमिटेड ५जी अॅक्सेस ऑफर करतो. 3 जुलैनंतर या प्लॅनची किंमत 3599 रुपये असेल.

तुम्हाला अनलिमिटेड 5जी डेटाची मजा स्वस्तात गमावायची नसेल आणि त्यासाठी जास्त खर्च करायचा नसेल तर आजच रिचार्च करा.

WhatsApp channel