Bonus Shares : जिंदाल ग्रुपच्या कंपनीचा मोठा धमाका! एका शेअरवर ४ शेअर मोफत देणार, तुम्हालाही मिळणार का? पाहा!

स्मॉलकॅप कंपनी जिंदाल वर्ल्डवाइडचा शेअर बुधवारी बीएसईवर ४ टक्क्यांहून अधिक वधारून ४७०.९५ रुपयांवर पोहोचला. कंपनीच्या शेअरनं ५२ आठवड्यांचा नवा उच्चांक गाठला. दुपारी १२ वाजण्याच्या सुमारास हा शेअर १.१८ टक्क्यांनी वाढून ४५०.२५ रुपयांवर व्यवहार करत होता.

हेही वाचा: तब्बल ११३६ कोटी रुपयांच्या ऑर्डर्स मिळूनही गडगडला शेअर, गुंतवणूकदार संभ्रमात

५ वर्षांत ६५० टक्क्यांनी वाढले शेअर्स

गेल्या पाच वर्षांत जिंदाल वर्ल्डवाइडचे शेअर्स ६५० टक्क्यांनी वधारले आहेत. १० जानेवारी २०२० रोजी कंपनीचा शेअर ६२.७० रुपयांवर होता. आज ८ जानेवारी २०२५ रोजी हा शेअर ४७०.९५ रुपयांवर पोहोचला. तर, गेल्या ४ वर्षात कंपनीच्या शेअर्समध्ये ६९० टक्क्यांहून अधिक वाढ झाली आहे. या काळात कंपनीचे शेअर्स ५८ रुपयांवरून ४७० रुपयांपर्यंत वधारले आहेत. जिंदाल वर्ल्डवाइड लिमिटेडच्या शेअर्सचा ५२ आठवड्यांचा नीचांकी स्तर २६८ रुपये आहे. कंपनीचं मार्केट कॅप ९००० कोटी रुपयांच्या पुढं गेलं आहे.

१० वर्षांत शेअरमध्ये ४००० टक्क्यांची वाढ

गेल्या १० वर्षांत जिंदाल वर्ल्डवाइडचे शेअर्स ४००० टक्क्यांहून अधिक वाढले आहेत. ८ जानेवारी २०१५ रोजी कंपनीचा शेअर ११.१४ रुपयांवर होता. तो आज ४७०.९५ रुपयांवर पोहोचला. गेल्या वर्षभरात कंपनीच्या शेअर्समध्ये ५० टक्क्यांहून अधिक वाढ झाली आहे. तर जिंदाल वर्ल्डवाइडच्या शेअरमध्ये गेल्या दोन महिन्यांत ५५ टक्क्यांहून अधिक वाढ झाली आहे.

हेही वाचा: नोकरदारांना इन्कम टॅक्समध्ये दिलासा मिळणार? अर्थसंकल्पाची उत्सुकता वाढली!

काय करते ही कंपनी?

जिंदाल वर्ल्डवाइड लिमिटेड ही १८,००० कोटी रुपयांच्या बीसी जिंदाल समूहाचा भाग आहे. पश्चिम बंगालमध्ये कंपनीचे दोन कारखाने आहेत. जिंदाल भारतीय बाजारपेठेव्यतिरिक्त भारत, लॅटिन अमेरिका आणि इतर अनेक देशांना पोलाद उत्पादनांची निर्यात करतात.

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)