JEE Mains Results 2025 : जेईई मेन्सचा निकाल लवकरच जाहीर होणार, कुठे आणि कसा पाहाल?

जेईई मेन्स २०२५ निकालाच्या अधिसूचनेबाबत अद्याप कोणतीही माहिती देण्यात आलेली नसली तरी अधिकृत वेबसाइटवर उपलब्ध माहितीनुसार, पहिल्या सत्राचा निकाल १२ फेब्रुवारीपर्यंत जाहीर केला जाईल.

एनटीएनं याआधीच १० फेब्रुवारी २०२५ रोजी जेईई मेन्स २०२५ ची अंतिम 'अन्सर की' प्रसिद्ध केली आहे. यात जेईई मेनच्या पहिल्या सत्रातील पेपर क्रमांक १ च्या वेगवेगळ्या शिफ्टमध्ये विचारले जाणारे १२ प्रश्न वगळण्यात आले होते. नियमानुसार एखादा प्रश्न वगळल्यास त्या प्रश्नाचे पूर्ण गुण सर्व उमेदवारांना दिले जाणार आहेत.

हेही वाचा : तिमाही निकालानंतर नायका कंपनीचा शेअर खरेदी करावा की नाही? जाणून घ्या!

उमेदवारांना हरकती सादर करण्यासाठी प्रत्येक प्रश्नामागे २०० रुपये नॉन-रिफंडेबल फी भरावी लागत होती. हरकती नोंदविण्याची मुदत ६ फेब्रुवारी २०२५ रोजी संपली.

एनटीएनं जेईई मेन सत्र १ पेपर १ (बीई / बीटेक) २२, २३, २४, २८ आणि २९ जानेवारी रोजी सकाळी ९ ते दुपारी १२ आणि दुपारी ३ ते ६ या दोन शिफ्टमध्ये आयोजित केले होते. त्याचप्रमाणे जेईई मेनचा (बीआर्क/बीप्लेनिंग) पेपर २ हा ३० जानेवारी रोजी दुपारी ३ ते ६.३० या वेळेत दुसऱ्या शिफ्टमध्ये घेण्यात आला होता.

निकाल लागल्यानंतर पहिल्या सत्राचे गुणपत्रक कसं तपासावं?

जेईई मेन्स २०२५ निकाल तपासण्यासाठी उमेदवार खालील प्रक्रियेचं अनुसरण करू शकतात.

> जेईई मेन्स २०२५ च्या jeemain.nta.nic.in या अधिकृत वेबसाइटला भेट द्या. 

> होम पेजवर, जेईई मेन्स २०२५ च्या पहिल्या सत्राच्या गुणपत्रक लिंकवर क्लिक करा. 

> आपले नोंदणीकृत क्रेडेन्शियल्स प्रविष्ट करून लॉग इन करा. 

> आपला जेईई मेन्स २०२५ सत्र १ चा निकाल स्क्रीनवर दिसेल. 

> निकाल डाऊनलोड करा आणि भविष्यातील संदर्भासाठी त्याची प्रिंटआऊट ठेवा.

> अधिक संबंधित माहितीसाठी, उमेदवारांना अधिकृत वेबसाइटला भेट द्यावी.