ITR News : तुम्ही इन्कम टॅक्स रिटर्न फाइल केलं नसेल किंवा सुधारित करायचं असेल तर ही बातमी नक्की वाचा!

विलंबित आयटीआर भरणे

वैयक्तिक करदात्यांना आर्थिक वर्ष २०२३-२०२४ (Assesment Year 2024-25) साठी प्राप्तिकर विवरणपत्र दाखल करण्यासाठी ३१ जुलैपर्यंत मुदत होती. त्यानंतर ३१ डिसेंबरपर्यंत शुल्क भरून रिटर्न फाइल करण्याची मुभा होती. थकीत परताव्याची रक्कम पाच लाखरुपयांपेक्षा कमी असल्यास करदात्याला १ हजार रुपये आणि कर विवरणपत्राचे मूल्य पाच लाख रुपयांपेक्षा अधिक असल्यास ५ हजार रुपये शुल्क भरावं लागणार होतं. आता या मुदतीत वाढ करत ती १५ जानेवारी २०२५ करण्यात आली आहे.

हेही वाचा : शेअर बाजारात प्रचलित असलेल्या अप्पर सर्किट आणि लोअर सर्किट या संकल्पनांचा अर्थ काय?

सुधारित आयटीआर फाइलिंग

उत्पन्नाचं विवरणपत्र भरताना अनेकदा करदात्यांकडून चुका होतात किंवा एखादी महत्त्वाची माहिती त्यात समाविष्ट करण्याचं राहून जातं. अशा परिस्थितीत सुधारित आयटीआर सादर करता येते.

केंद्रीय अर्थ राज्यमंत्री पंकज चौधरी यांनी १७ डिसेंबर रोजी संसदेत दिलेल्या माहितीनुसार, २०२३-२४ या आर्थिक वर्षात भारतातील केवळ ६.६८ टक्के लोकांनी आयकर विवरणपत्र भरलं आहे. आर्थिक वर्ष २०२३-२४ मध्ये प्राप्तिकर विवरणपत्र भरणाऱ्या लोकसंख्येची टक्केवारी ६.६८ टक्के आहे. म्हणजेच, या आर्थिक वर्षात प्राप्तिकर विवरणपत्र भरणाऱ्यांची संख्या ८,०९,०३,३१५ इतकी आहे, अशी माहिती चौधरी यांनी राज्यसभेत लेखी उत्तरात दिली.

हेही वाचा: वर्षाच्या शेवटच्या दिवशी या कंपनीच्या शेअरनं रचला विक्रम, सरकारची आहे मोठी गुंतवणूक