itel ColorPro 5G: ८००० रुपयांपेक्षा कमी किंमतीत आयटेलचा 5G फोन लॉन्च, मिळतायेत तगडे फीचर्स!
itel ColorPro 5G: टेक ब्रँड आयटेलने नुकताच 5G स्मार्टफोन आयटेल कलरप्रो 5G बाजारात लॉन्च केला आहे, ज्याची किंमत ८००० पेक्षा कमी आहे.
itel ColorPro 5G Launched: चिनी टेक ब्रँड आयटेलने आपला बजेट फोन आयटेल कलरप्रो 5G चे ४ जीबी रॅम व्हेरिएंट भारतीय बाजारात लॉन्च केले आहे. या फोनचे खास वैशिष्ट्य म्हणजे याच्या बॅक पॅनेलवर स्पेशल कलर चेंजिंग बॅक पॅनेल आयव्हीसीओ टेक्नॉलॉजीसह देण्यात आले आहे. या फोनमध्ये शक्तिशाली एनआरसीए (5G ++) तंत्रज्ञानाचा सपोर्ट आहे आणि लिमिटेड टाइम पीरियड ऑफरमध्ये ८००० रुपयांपेक्षा कमी किंमतीत खरेदी केला जाऊ शकतो.
चांगल्या परफॉर्मन्ससाठी आयटेल कलरप्रो 5G मध्ये मीडियाटेक डायमेंसिटी ६०८० प्रोसेसर आहे आणि त्यासोबत ४ जीबी रॅम आहे. मेमरी फ्यूजन टेक्नॉलॉजीच्या मदतीने याची रॅम ४ जीबीने वाढवता येईल आणि एकूण रॅम क्षमता ८ जीबी रॅमपर्यंत पोहोचेल. यात १२८ जीबी स्टोरेजसह ६.६ इंचाचा मोठा डिस्प्ले असून उत्तम मल्टिमीडिया अनुभव दिला आहे.
आयटेल कलरप्रो 5G: डिस्प्ले
नव्या स्मार्टफोनमध्ये ९० हर्ट्झ रिफ्रेश रेटसह ६.६ इंचाचा एचडी+ वॉटरड्रॉप नॉच डिस्प्ले देण्यात आला आहे. यात साइड माउंटेड फिंगरप्रिंट सेन्सर आणि फेस आयडी ऑथेंटिकेशनचा पर्याय देण्यात आला आहे.
आयटेल कलरप्रो 5G: कॅमेरा
या फोनमध्ये ५० एमपी एआय कॅमेरा मुख्य कॅमेरा मिळत आहे. सेल्फी किंवा व्हिडिओ कॉलिंगसाठी ८ एमपी कॅमेरा देण्यात आला आहे.
आयटेल कलरप्रो 5G: बॅटरी
कलरप्रो 5 जी मध्ये मीडियाटेक डायमेंसिटी ६०८० प्रोसेसर आहे आणि मेमरी फ्यूजन टेक्नॉलॉजी सपोर्ट करते आणि 8 जीबी रॅम ऑफर करते. या फोनच्या ५००० एमएएच बॅटरीला १८ वॉट फास्ट चार्जिंगचा सपोर्ट देण्यात आला आहे.
आयटेल कलरप्रो 5G: किंमत
4 जीबी इंस्टॉल आणि 4 जीबी व्हर्च्युअल रॅम सह कलरप्रो 5G ७ हजार ९९९ रुपयांमध्ये खरेदी करू शकतात. कारण निवडक रिटेल आउटलेट्सद्वारे यावर १००० रुपयांचा कॅशबॅक दिला जात आहे. हा फोन लॅव्हेंडर फॅन्टसी आणि रिव्हर ब्लू कलर ऑप्शनमध्ये खरेदी करता येईल.
आयटेल इंडियाने आपला नवीन टीडब्ल्यूएस इयरबड्स रिदम भारतात लॉन्च केला आहे. कंपनीचे नवे इयरबड्स उत्कृष्ट ३६० डिग्री बेस टेक्नॉलॉजीसह येतात. त्यांचे ड्युअल टोन डिझाइन खूप प्रीमियम आहे. या बड्सची बॅटरी लाइफ ३० तासांपर्यंत असते. सर्वात महत्वाची गोष्ट म्हणजे त्यांची किंमत फक्त 899 रुपये आहे.
संबंधित बातम्या