Nifty IT : आयटी कंपन्यांच्या स्टॉक्समध्ये प्रचंड तेजी, शेअर बाजाराचा माहौलच बदलला!

निफ्टी आयटी निर्देशांकात जबरदस्त वाढ झाली आहे. तो २.३२ टक्क्यांनी वाढून ४२६७५.१० च्या पातळीवर पोहोचला आहे. निफ्टी आयटी निर्देशांकात समाविष्ट असलेल्या सर्व १० कंपन्यांच्या समभागांमध्ये बंपर उसळी पाहायला मिळत आहे. 

कोणत्या शेअरमध्ये किती वाढ?

यापैकी एलटीआय माइंडट्रीनं सर्वाधिक उसळी घेतली आहे. दुपारी सव्वा एक वाजता हा शेअर ७.५० टक्क्यांनी वधारून ६,१८३ रुपयांवर पोहोचला आहे. कोफोर्जचा शेअर ३.३९ टक्क्यांनी वधारून ६२८७ रुपयांवर व्यवहार करत आहे. विप्रोनंही आज चांगली भरारी घेतली आहे. या शेअरमध्ये ३.७४ टक्के वाढ झाली आहे. दुपारी सव्वा एकच्या सुमारास हा शेअर ३.८८ टक्क्यांनी वाढून ५३७.२० रुपयांवर व्यवहार करत होता.

एमफॅसिसमध्ये २.२४ टक्के वाढ झाली आहे. त्यात प्रति शेअर ६८ रुपयांची वाढ झाली असून तो ३१०२ रुपयांवर पोहोचला आहे. इन्फोसिसचा शेअर एनएसईवर २.३६ टक्क्यांनी वधारला आहे. या शेअरचा भाव १९४४.९५ रुपयांवर पोहोचला आहे. पर्सिस्टंटचा शेअर २.२४ टक्क्यांनी वधारला आहे. तो १०९.९५ रुपयांनी वाढून ५०१९.५० रुपयांवर पोहोचला आहे.

हेही वाचा: एक रुपयाचा शेअर खरेदी करण्यासाठी नुसती झुंबड उडालीय! काय आहे कारण?

टेक महिंद्राच्या शेअरमध्येही चांगली वाढ

एलटीटीएसमध्ये ३.६० टक्क्यांची वाढ झाली असून हा शेअर ५६८४.९५ रुपयांवर पोहोचला आहे. एचसीएल टेक १.२६ टक्क्यांनी वधारला आहे. आता हा टेक स्टॉक १७३३.१० रुपयांवर आहे. टीसीएस ०.६२ टक्क्यांनी वधारून ४५२४.९० रुपयांवर व्यवहार करत आहे. टेक महिंद्राच्या शेअरमध्येही चांगली वाढ झाली आहे. हा शेअर २.३२ टक्क्यांनी वधारून १६६२.३० रुपयांवर पोहोचला आहे.

(डिस्क्लेमर : हे वृत्त केवळ माहितीपर आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. गुंतवणूक करण्यापूर्वी आपल्या सल्लागाराचा सल्ला घ्या.)