नववर्षाच्या पहिल्याच दिवशी इरेडाच्या शेअरमध्ये तुफान तेजी, तुमच्याकडं आहे का?

गेल्या १३ महिन्यांत इरेडाचा शेअर ३२ रुपयांवरून २२० रुपयांवर गेला आहे. 'इरेडा'च्या शेअरचा ५२ आठवड्यांतील उच्चांकी स्तर ३१० रुपये आहे. तर कंपनीच्या शेअर्सची ५२ आठवड्यांची नीचांकी पातळी १००.४० रुपये आहे.

हेही वाचा: बिहार सरकारसोबत १००० मेगावॅटचा करार करताच SJVN कंपनीचा शेअर उसळला! भाव अजूनही परवडेल असा

मंजूर कर्जात १२९ टक्के वाढ

डिसेंबर २०२४ तिमाहीविषयी 'इरेडा'नं दिलेल्या बिझनेस अपडेटनुसार, कंपनीनं मंजूर केलेली कर्जे वार्षिक आधारावर १२९ टक्क्यांनी वाढून ३१,०८७ कोटी रुपये झाली आहेत. गेल्या वर्षी याच कालावधीत कंपनीनं १३ हजार ५५८ कोटी रुपयांचं कर्ज मंजूर केलं होतं. चालू आर्थिक वर्षाच्या डिसेंबर तिमाहीत कर्जाचं वितरण ४१ टक्क्यांनी वाढून १७,२३६ कोटी रुपयांवर पोहोचलं आहे. डिसेंबर २०२४ पर्यंत थकित कर्जाची रक्कम ६९,००० कोटी रुपये होती.

कशी आहे शेअरची वाटचाल?

१३ महिन्यांत कंपनीचा इरेडाचा शेअर ३२ रुपयांवरून २२० रुपयांवर गेला आहे. इरेडाचा आयपीओ २१ नोव्हेंबर २०२३ रोजी गुंतवणुकीसाठी खुला झाला आणि २३ नोव्हेंबरपर्यंत खुला राहिला. आयपीओमध्ये कंपनीच्या शेअरची किंमत ३२ रुपये होती, तोच शेअर आज, १ जानेवारी २०२५ रोजी २२७.७० रुपयांवर पोहोचला आहे. गेल्या वर्षभरात इरेडाच्या शेअरमध्ये ११५ टक्क्यांहून अधिक वाढ झाली आहे. १ जानेवारी २०२४ रोजी कंपनीचा शेअर १०४.६५ रुपयांवर होता, तो आज इरेडाचा शेअर २२७.७० रुपयांवर पोहोचला आहे.

हेही वाचा: नव्या वर्षाच्या मुहूर्तावर आलेल्या ऑर्डर पॅक करण्यासाठी कंपनीचे सीईओ बनले डिलिव्हरी एजंट

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)