साडेचार हजार कोटी उभारण्याची मंजुरी मिळताच इरेडाचा शेअर सुस्साट! काय आहे कंपनीचा पुढचा प्लान?

आज बीएसईवर इरेडाचा शेअर २३४ रुपयांवर उघडला. पण काही काळानंतर कंपनीच्या शेअरचा भाव बीएसईवर २३७.५० रुपयांच्या उच्चांकी पातळीवर पोहोचला. बुधवारच्या बंदच्या तुलनेत कंपनीच्या शेअर्सच्या किमतीत ४ टक्क्यांहून अधिक वाढ झाली आहे. मात्र, दुपारी इरेडाच्या शेअर्समध्येही घसरण दिसून आली.

सध्या इरेडामध्ये सरकारचा ७५ टक्के हिस्सा आहे. बुधवारच्या निर्णयानंतर कंपनीतील सरकारचा ७ टक्के हिस्सा कमी करण्याचा मार्गही मोकळा झाला आहे. इरेडाच्या संचालक मंडळाने यापूर्वीच 4500 कोटी रुपये उभारण्यास मान्यता दिली होती. एफपीओ, क्वालिफाइड इन्स्टिट्यूशनल प्लेसमेंट (क्यूआयपी), राइट्स इश्यू किंवा अन्य माध्यमातून पैसे उभारण्याच्या प्रस्तावाला बोर्डाने मंजुरी दिली होती.

भविष्याची योजना काय आहे?

इकॉनॉमिक टाइम्सच्या रिपोर्टनुसार, इरेडा आर्थिक वर्ष 2024 पर्यंत डेट किंवा इक्विटीद्वारे 30,000 कोटी रुपये उभारण्याचा प्रयत्न करेल. कंपनीचा एफपीओ जानेवारी किंवा फेब्रुवारीमध्येही येऊ शकतो. चालू आर्थिक वर्षाच्या अखेरीस ८५,००० कोटी रुपयांच्या कर्जाचा आकार गाठण्याचा कंपनीचा प्रयत्न आहे. आर्थिक वर्ष २०२४ अखेर इरेडाच्या कर्जाचा आकार ५९.६५० कोटी रुपये होता.

इरेडाने या वर्षी आतापर्यंत गुंतवणूकदारांना १०० टक्क्यांहून अधिक परतावा दिला आहे. मात्र, ३१० रुपयांच्या उच्चांकी पातळीवर पोहोचल्यानंतर कंपनीच्या शेअर्सच्या किमतीत घसरण दिसून आली आहे.

(हा गुंतवणुकीचा सल्ला नाही. शेअर बाजार जोखमीच्या अधीन आहे. कोणतीही गुंतवणूक करण्यापूर्वी तज्ज्ञांचा सल्ला घ्या.)