पोस्ट खात्याकडून ‘रजिस्टर प्रिंटेड बुक्स’ सेवा अचानक बंद; देशभरातील लाखो पुस्तक विक्रेते अडचणीत

प्राप्त माहितीनुसार, भारतीय पोस्ट खात्याची 'रजिस्टर प्रिंटेड बुक्स' ही सेवा तुलनेने स्वस्त होती. या सेवेचा वापर करून देशभरातील अनेक पुस्तक विक्रेते वाचकांना पुस्तके पाठवत असत. ‘रजिस्टर प्रिंटेड बुक्स’ या सेवेचे आता ‘बुक पोस्ट’ असे नामांतर करण्यात आले असून त्याचे दर वाढवण्यात आले आहे. पूर्वी ‘रजिस्टर प्रिंटेड बुक्स’ सेवेद्वारे ३० रुपयांमध्ये २००० ग्रॅमपर्यंतचे छापील पुस्तक पाठवण्याची सोय होती. आता ‘बुक पोस्ट’ या नव्या सेवेद्वारे ३० रुपयांत फक्त ५०० ग्रॅम वजनाचे पुस्तक पाठवता येणार आहे. त्यामुळे एरव्ही जे पुस्तकाचे एक पार्सल ३० रुपयात पाठवता यायचे त्यासाठी ६२ रुपये लागणार असल्याची माहिती पुस्तक विक्रेते अमोल पाटकर यांनी ‘हिंदुस्तान टाइम्स- मराठी’ला दिली.

हे वाचाः जगभरात वाचकप्रिय ठरलेल्या ‘आमचा बाप आन् आम्ही’ पुस्तकाची २०० वी आवृत्ती प्रकाशित होणार

Electronic Money Orderद्वारे आता पाठवा रु. १० हजार!

पोस्ट खात्यातर्फे त्यांच्या काही सेवांची नावे बदलण्यात आली आहे. तर काही सेवा खंडित करण्यात आल्या आहेत. ‘VPP (vas) सर्विस’ या सेवेचे नाव बदलून COD -Retail असे करण्यात आले आहे. इलेक्ट्रॉनिक मनी ऑर्डरद्वारे पूर्वी ५००० रुपयापर्यंतची रक्कम पाठवता येत असे. आता त्याची कमाल मर्यादा १० हजार रुपये करण्यात आली आहे. इंडियन पोस्टल ऑर्डरचे (IPO) डिनॉमिनेशन्स पूर्वी ०.५० पैसे,  रु १, रु २, रु ५, रु ७, रु १०, रु २०, रु ५०, रु १०० किमतीत उपलब्ध होते. आता याची संख्या कमी करण्यात आली असून ते फक्त रु. १०, रु. २०, रु. ५० आणि रु. १०० च्या मूल्यांमध्येच मिळणार आहे.

हे बातमी वाचाः यशस्वी व्हायचं असेल, तर ही जगप्रसिद्ध पुस्तके एकदा वाचाच