अदानी समूहावरील आरोपांनंतर भारतीय बँका सावध! कर्जावरील जोखमीचा अंदाज घेण्यास सुरुवात

रॉयटर्स या वृत्तसंस्थेनं आठ बँकर्सच्या हवाल्यानं हे वृत्त दिलं आहे. त्यानुसार, नवीन कर्ज देताना अदानी समूहाला नियम कडक करण्याची आवश्यकता आहे की नाही हे कर्जदार तपासत आहेत. अर्थात, या पुनरावलोकनामुळं अदानी समूहाला कर्ज देण्याच्या दृष्टिकोनात लगेच काहीही बदल होणार नाही. बँकिंग व्यवस्थेनं घाबरून जाण्याची गरज नाही, कारण सध्या कोणत्याही संस्थेनं अदानी समूहाला मर्यादेबाहेर कर्ज दिलेलं नाही, असं या घडामोडींची माहिती असलेल्या नियामक सूत्रांनी सांगितलं. रॉयटर्सनं या संदर्भात केलेल्या मेलला रिझर्व्ह बँकेनं कोणताही प्रतिसाद दिलेला नाही.

हेही वाचा: पेटीएमचा शेअर इतक्या लवकर इतकी कमाल करेल असं कोणालाही वाटलं नसेल! आता एक्सपर्ट म्हणतात…

ब्रोकरेज फर्म आयआयएफएल सिक्युरिटीजच्या म्हणण्यानुसार, भारतीय बँकांपैकी एसबीआयनं अदानी समूहाला सर्वाधिक कर्ज दिलं आहे. या कर्जाचं मूल्य ३३,८०० कोटी रुपये (४ अब्ज डॉलर्स) आहे. 

सूत्रांनी दिलेल्या माहितीनुसार, एसबीआय अदानीच्या चालू प्रकल्पांना कर्ज देणं थांबवणार नाही. मात्र, समूहाकडून सर्व अटी व शर्तींची पूर्तता केली जात आहे की नाही, याची खातरजमा करण्यासाठी बँक कर्ज वाटप करताना सावधगिरी बाळगणार आहे.

हेही वाचा: सलग तिसऱ्या वर्षी बोनस देतेय 'ही' कंपनी; लाभ घेण्याची आज शेवटची संधी, शेअरची किंमत ४० रुपयांपेक्षाही कमी