बाजारात दाखल झाला पाच कॅमेरे असलेला फोल्डेबल स्मार्टफोन, प्री-बुकवर खास गिफ्ट
5 Camera Foldable Smartphone: हुवावेने आपला नवीन फोल्डेबल फोन हुवावे मेट एक्स ६ जागतिक बाजारात लॉन्च केला आहे.
Huawei Mate X6 Foldable Smartphone: हुवावेने आपला नवा फोल्डेबल फोन 'हुवावे मेट एक्स ६' दुबईत 'अनफोल्ड द क्लासिक' एका इव्हेंटदरम्यान जागतिक स्तरावर लाँच केला आहे. हुवावे मेट एक्स ६ मध्ये ७.९३ इंचाचा मुख्य डिस्प्ले आणि ६.४५ इंचाचा आउटर डिस्प्ले आहे. हा फोन आयपीएक्स ८ वॉटर रेझिस्टंट रेटिंगसह येतो. फोनमध्ये ६६ वॅट वायर्ड फास्ट चार्जिंग आणि ५० वॅट वायरलेस चार्जिंग सपोर्टसह ५ हजार ११० एमएएचची बॅटरी आहे. फोटोग्राफीसाठी फोनमध्ये एकूण पाच कॅमेरे आहेत. प्री-ऑर्डर करणाऱ्या ग्राहकांना कंपनी मोफत हुवावे वॉच जीटी ४ स्मार्टवॉच देत आहे.
यूएईमध्ये हुवावे मेट एक्स ६ च्या १२ जीबी रॅम आणि ५१२ जीबी स्टोरेज असलेल्या व्हेरिएंटची किंमत ७१९९ एईडी (सुमारे १ लाख ६६ हजार रुपये) इतकी आहे. हुवावेच्या ऑनलाइन प्लॅटफॉर्मवर तसेच किरकोळ विक्रेत्यांमार्फत इतर काही जागतिक बाजारपेठांमध्ये प्री-ऑर्डरसाठी उपलब्ध आहे. प्री-ऑर्डर करणाऱ्या ग्राहकांना हुवावे वॉच जीटी ४ (४६मिमी) आणि हुवावे केअर + सारखे अतिरिक्त फायदे मिळतील, ज्याची किंमत २६९८ एईडी (सुमारे ६२ हजार रुपये) आहे. ग्राहकांना हुवावे सुपरचार्ज वायरलेस कार चार्जर केवळ १ एईडी (सुमारे २३ रुपये) भरून मिळू शकतो. जागतिक बाजारपेठेत हुवावे मेट एक्स ६ ब्लॅक, नेब्युला ग्रे आणि नेब्युला रेड कलर ऑप्शनमध्ये उपलब्ध आहे.
हा फोन गेल्या महिन्यात कॉस्मिक रेड, डीप सी ब्लू, नेब्युला व्हाईट, नेब्युला ग्रे आणि ऑब्सिडियन ब्लॅक कलर ऑप्शनमध्ये चीनमध्ये लॉन्च करण्यात आला होता. चीनमध्ये १२ जीबी + २५६ जीबी व्हेरिएंटची किंमत १२ हजार ९९९ चीनी युआन (अंदाजे १ लाख ५० हजार रुपये) आणि ५१२ जीबी व्हेरिएंटची किंमत १३ हजार ९९९ चीनी युआन (अंदाजे १ लाख ६४ हजार रुपये) आहे.
हुवावे मेट एक्स ६: डिस्प्ले
हुवावे मेट एक्स ६ चे ग्लोबल व्हेरियंट ईएमयूआय १५ ऑपरेटिंग सिस्टमवर चालते आणि १४४० हर्ट्झ हाय-फ्रिक्वेन्सी पीडब्ल्यूएम डिमिंगसह ७.९३ इंच (२४४०x२२४० पिक्सेल) मुख्य ओएलईडी डिस्प्ले आणि २४० हर्ट्झपर्यंत टच सॅम्पलिंग रेट आहे. फोनमध्ये ६.४५ इंच (१०८०x२४४० पिक्सल) क्वाड-कर्व्ड ओएलईडी एक्सटर्नल स्क्रीनसह ३०० हर्ट्झ टच सॅम्पलिंग रेट आणि १४४० हर्ट्झपर्यंत हाय-फ्रिक्वेन्सी पीडब्ल्यूएम डिमिंगसाठी सपोर्ट आहे. दोन्ही स्क्रीन १ हर्ट्झ ते १२० हर्ट्झ पर्यंतच्या रिफ्रेश रेटला सपोर्ट करतो. स्क्रीनवर कुनलुन ग्लास सेकंड जनरेशन प्रोटेक्शन आहे.
हुवावे मेट एक्स ६: स्टोरेज
हुवावेने मेट एक्स ६ मध्ये वापरल्या गेलेल्या चिपसेटचे नाव दिले नाही, परंतु असे मानले जात आहे की, ते नवीनतम किरिन ९१०० चिपसह सुसज्ज असेल. फोनमध्ये १२ जीबी रॅम आणि ५१२ जीबी स्टोरेज आहे. चायनीज व्हेरियंट २५६ जीबी आणि ५१२ जीबी स्टोरेज पर्यायात उपलब्ध आहे. थर्मल मॅनेजमेंटसाठी यात स्टील हिंज आणि थ्रीडी लिक्विड कूलिंग व्हीसी देण्यात आला आहे.
हुवावे मेट एक्स ६: कॅमेरा
फोटोग्राफीसाठी फोनमध्ये ओआयएससह ५० मेगापिक्सलचा वाइड अँगल कॅमेरा, ४० मेगापिक्सलचा अल्ट्रा-वाइड अँगल कॅमेरा आणि ४८ मेगापिक्सलचा टेलिफोटो मॅक्रो कॅमेरा देण्यात आला आहे. रियर कॅमेरा युनिटमध्ये अल्ट्रा क्रोमा टेक्नॉलॉजी आहे. सेल्फीसाठी फोनमध्ये इंटरनल आणि आउटर अशा दोन्ही डिस्प्लेवर ८ मेगापिक्सलचे कॅमेरे देण्यात आले आहेत.
हुवावे मेट एक्स ६: कनेक्टिव्हिटी
कनेक्टिव्हिटीसाठी वाय-फाय ८०२.११ ए/बी/जी/एन/एसी/एएक्स, ब्लूटूथ ५.२, जीपीएस/एजीपीएस, एनएफसी, ग्लोनस, बायडू, नेव्हिग, ओटीजी आणि यूएसबी टाइप-सी पोर्ट चा समावेश आहे. फोनमध्ये अँबियंट लाइट सेन्सर, बॅरोमीटर, कलर कंपास, फिंगरप्रिंट सेन्सर, कॅमेरा लेझर फोकस सेन्सर, जेस्चर सेन्सर, ग्रॅव्हिटी सेन्सर, हॉल सेन्सर, प्रॉक्सिमिटी सेन्सर आणि टेम्परेचर सेन्सर देण्यात आले आहेत. धूळ आणि पाण्यापासून सुरक्षित राहण्यासाठी फोनला आयपीएक्स ८ रेटिंग मिळाले आहे. केवळ २३९ ग्रॅम वजनाच्या या फोनमध्ये ६६ वॅट वायर्ड फास्ट चार्जिंग सपोर्ट आणि ५० वॅट वायरलेस फास्ट चार्जिंग सपोर्टसह ५ हजार ११० एमएएच क्षमतेची बॅटरी देण्यात आली आहे.
संबंधित बातम्या