Find Your Phone : चोरीला गेलेला किंवा हरवलेला मोबाईल परत कसा मिळवायचा? जाणून घ्या सोप्या टिप्स

साथी पोर्टल १६ मे पासून सुरू करण्यात आले. चोरीला गेलेले किंवा हरवलेले स्मार्टफोन ट्रॅक करण्यासाठी आणि ब्लॉक करण्यासाठी हे लॉन्च करण्यात आले आहे. सेंट्रल इक्विपमेंट आयडेंटिटी रजिस्टरचा हा भाग आहे. लाँच झाल्यापासून दोन महिन्यांतच लोकांनी या पोर्टलवर फोन हरवल्याच्या किंवा चोरीला गेल्याच्या अनेक तक्रारी प्राप्त झाल्या आहेत.

दूरसंचार विभागाच्या एका वरिष्ठ अधिकाऱ्याने सांगितले की, हे पोर्टल अत्याधुनिक टेक्नोलॉजी प्रदान करते. जप्त करण्यात आलेल्या मोबाइलफोनची संख्या मोठ्या प्रमाणात वाढली आहे. परंतु, लोकेशनवरून मोबाईलचे नेमके ठिकाण शोधले जाऊ शकते, यामुळे चोरींच्या प्रकरणांमध्ये घट झाली आहे. पोलीसच चोरट्यांना शोधून काढू शकतात. राज्याच्या गृह विभागाकडे आम्ही याबाबत जोरदार पाठपुरावा करत आहोत. गुप्त माहितीची चोरी,  चोरीच्या मोबाइलद्वारे बँक फ्रॉड अशा अनेक फसवणुकीपासून नागरिकांना वाचवणे, असा हा प्लॅटफॉर्म सुरू करण्यामागचा सरकारचा हेतू आहे.

२०० मेगापिक्सलचा कॅमेरा, १२० वॅट फास्ट चार्जिंग; 'या' ३ स्मार्टफोनची बाजारात चर्चा!

साथी पोर्टलच्या माध्यमातून मोबाइल वापरकर्त्याला आपल्या नावावर फसवणुकीने आणखी कनेक्शन घेण्यात आले आहे की नाही, याची माहिती मिळू शकते. हरवलेल्या मोबाइलचे लोकेशन शोधता येते. आपण आयएमईआय क्रमांक ब्लॉक करू शकता. ब्लॉक केल्यानंतर फोन वापरता येत नाही.

• चोरीला गेलेला मोबाईल कसा शोधायचा?
• हरवलेला मोबाइल शोधण्यासाठी संकेतस्थळाला (https://www.sancharsaathi.gov.in) भेट द्या.
• होमपेजवर लॉस्ट युजर मोबाइल स्क्रॉल करण्याच्या पर्यायावर क्लिक करा. त्यानंतर ब्लॉक थेफ्ट/मिसिंग मोबाइल पर्यायावर क्लिक करा.
• यामुळे फॉर्म ओपन होईल. यामध्ये फोनशी संबंधित माहिती द्यावी लागेल. जसे की मोबाईल आणि आयएमआय नंबर, डिव्हाइस मॉडेल, कंपनीचे नाव. तसेच बिलाची प्रत अपलोड करावी लागणार आहे.
• पुढील विभागात चोरीचे ठिकाण आणि तारीख, पोलिस एफआयआर क्रमांक आणि एफआयआर प्रत अपलोड करावी लागेल.
• त्यानंतर तुम्हाला सरकारी आयडी नंबर, नाव, ईमेल आयडी आणि मोबाईल नंबरसह तुमची वैयक्तिक माहिती टाकावी लागेल. ओळखपत्र अपलोड करावे लागेल.
• सर्व माहिती दिल्यानंतर सीईआयआर तुमचा फोन ट्रॅकिंगवर ठेवेले जाईल. यानंतर तुमच्या फोनमध्ये दुसरे सिम टाकताच त्याचे लोकेशन समजेल.