Stock market : तब्बल ४,२३५ कोटींचा नफा झाल्यानंतर एचसीएलनं केली डिविडंची घोषणा, शेअरनं गाठला नवा उच्चांक

एचसीएल टेक्नॉलॉजीजनं दुसऱ्या तिमाहीत ४,२३५ कोटी रुपयांचा निव्वळ नफा कमावला. मागील तिमाहीतील ४,२५७ कोटी रुपयांच्या तुलनेत हा नफा ०.५ टक्के कमी आहे. तिमाही आधारावर कंपनीचा महसूल २.९ टक्क्यांनी वाढून २८,८६२ कोटी रुपयांवर पोहोचला आहे. आयटी सर्व्हिसेस, ईआर अँड डी सर्व्हिसेस आणि प्रॉडक्ट्स अँड प्लॅटफॉर्म्स मध्ये अनुक्रमे १.८ %, १.१ % आणि १.४ % वाढ झाली आहे.

किती मिळणार डिविडंड?

चांगल्या तिमाही निकालांच्या पार्श्वभूमीवर कंपनीनं गुंतवणूकदारांना डिविडंड देण्याचा निर्णय घेतला आहे. त्यानुसार, प्रत्येक इक्विटी शेअरमागे १२ रुपये डिविडंड दिला जाणार आहे.

हेही वाचा: पाच वर्षांत १ लाखाचे ४ कोटी करणाऱ्या शेअरचं आता विभाजन होणार! तुमच्याकडं आहे का?

ब्रोकरेज काय म्हणतात?

दुसऱ्या तिमाहीच्या निकालाच्या पार्श्वभूमीवर बहुतेक ब्रोकरेज कंपन्यांनी एचसीएल टेक्नॉलॉजीजच्या शेअर्सची टार्गेट प्राइस वाढवली आहे. 

नोमुरानं एचसीएल टेकच्या शेअरची किंमत आधीच्या १,९०० रुपयांवरून २००० रुपयांपर्यंत वाढविली. या शेअरला 'बाय' रेटिंग आहे.

एचसीएलनं सर्व प्रमुख निकषांवर अपेक्षेपेक्षा चांगली कामगिरी नोंदवली आहे, असं अँटिक स्टॉक ब्रोकिंगनं म्हटलं आहे. ही कंपनी वर्षाच्या उर्वरित महिन्यांतही चांगली वाढ देण्यास सक्षम आहे. ब्रोकरेजनं एचसीएल टेक्नॉलॉजीजच्या शेअरवर 'बाय' रेटिंग कायम ठेवत टार्गेट प्राइस १८७५ रुपयांवरून २,००० रुपयांपर्यंत वाढवली आहे.

हेही वाचा: करण जोहरची धर्मा प्रोडक्शन्स कंपनी मुकेश अंबानी यांच्या रडारवर, मोठा डाव लावण्याची शक्यता

एचसीएल टेक्नॉलॉजीजच्या शेअरची किंमत

एचसीएल टेकचे शेअर्स लार्ज-कॅप आयटी स्पेसमध्ये आतापर्यंत सर्वोत्तम कामगिरी करणारा स्टॉक ठरला आहे. एचसीएल टेकच्या शेअरची किंमत एका वर्षात ४६ टक्क्यांनी वाढली आहे. तर, चालू कॅलेंडर वर्षात आतापर्यंत कंपनीच्या शेअरमध्ये एनएसईवर सुमारे २५ टक्के वाढ झाली आहे. तर मागील पाच वर्षांत कंपनीनं गुंतवणूकदारांना २३८.५५ टक्के परतावा दिल आहे.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणूक करण्याआधी आर्थिक सल्लागाराशी चर्चा करा.)