नागपूर मेट्रो प्रकल्पाचे ९०३ कोटींचे काम मिळताच 'या' शेअरमध्ये ५ टक्क्यांची वाढ

या प्रकल्पाची किंमत ९०३.५० कोटी रुपये आहे. कंपनीला एकूण १७.६२४ किलोमीटरचे काम करायचे आहे. यात १.१४ किमी अंडरपासचा समावेश आहे. कंपनीला हे काम महाराष्ट्र मेट्रो रेल कॉर्पोरेशन लिमिटेडकडून मिळाले आहे. नागपूर मेट्रोच्या दुसऱ्या टप्प्याच्या विस्तारीकरणाशी संबंधित हे काम आहे. प्रकल्प पूर्ण करण्यासाठी आमच्याकडे ३० महिन्यांचा कालावधी आहे.

जीआर इन्फ्राप्रोजेक्ट्सने नुकतीच आपली उपकंपनी जी आर अलीगढ कानपूर हायवे प्रायव्हेट लिमिटेड (जीएकेएचपीएल) भारत हायवे इनव्हिटला विकली. या व्यवहारातून कंपनीला ९८.६० कोटी रुपये मिळाले. जीआर इन्फ्राप्रोजेक्ट्सच्या उत्पन्नात जीएकेएचपीएलचा वाटा १.९९ टक्के आहे.

शेअर बाजारात कंपनीची कामगिरी कशी आहे?

गेल्या वर्षभरात कंपनीच्या शेअर्सच्या किमतीत ३७ टक्क्यांहून अधिक वाढ झाली आहे. सहा महिन्यांत शेअरच्या किंमतीत ३०.१० टक्क्यांनी वाढ झाली आहे. कंपनीचा 52 आठवड्यांचा उच्चांक 1,859.95 रुपये आणि 52 आठवड्यांचा नीचांकी स्तर 1,025 रुपये आहे. कंपनीचे मार्केट कॅप 16,449.70 रुपये आहे.

कंपनीने जुलै २०२१ मध्ये १०५ टक्के प्रीमियमसह शेअर बाजारात पदार्पण केले होते. मात्र, त्यानंतर कंपनीच्या शेअर्सच्या किमतीत घसरण पाहायला मिळाली.

जून तिमाहीत कंपनीचा एकूण महसूल 1896.54 कोटी रुपये होता. तर मार्च तिमाहीत तो 2255.35 कोटी रुपये होता. तिमाही आधारावर कंपनीच्या महसुलात घट झाली आहे. एप्रिल ते जून या कालावधीत कंपनीचा एकूण नफा १५१.९६ कोटी रुपये होता.

(हा गुंतवणुकीचा सल्ला नाही. शेअर बाजार जोखमीच्या अधीन आहे. कोणतीही गुंतवणूक करण्यापूर्वी तज्ज्ञांचा सल्ला घ्या. )