लग्नकार्याची खरेदी करणाऱ्यांना दिलासा! अवघ्या महिनाभरात सोनं ४ हजार रुपयांनी स्वस्त

इंडियन बुलियन ज्वेलर्स असोसिएशननं (IBJA) हे दर जारी केले आहेत. त्यात जीएसटीच्या रकमेचा समावेश नाही. त्यामुळं तुमच्या शहरातील प्रत्यक्ष दरात १००० ते २००० रुपयांची तफावत असण्याची शक्यता आहे.

दरात किती झाली घसरण?

३० ऑक्टोबर रोजी सोन्याचा दर ७९,६८१ रुपये प्रति १० ग्रॅम आणि चांदीचा दर ९८,३४० रुपये प्रति किलो होता. त्या तुलनेत आज सोनं ४२३० रुपयांनी तर चांदी १०२४० रुपयांनी स्वस्त झाली आहे. आज २३ कॅरेट सोन्याचा भाव ७५,१४९ रुपयांवर आला आहे. २२ कॅरेट सोन्याचा सरासरी दर १४९३ रुपयांनी कमी होऊन ६९,११३ रुपये झाला आहे. तर १८ कॅरेट सोन्याचा भाव ४६,६८८ रुपये प्रति १० ग्रॅम झाला आहे.

हेही वाचा: रेखा झुनझुनवाला यांनी दोन शेअर्समधून अवघ्या १० मिनिटांत कमावले १०५ कोटी, कोणते आहेत हे शेअर?

मुंबईत सोन्या-चांदीचे दर किती?

मुंबईत आज सोन्याचा भाव तोळ्यामागे ७८,५६७ रुपये आहे. सोमवारी सोन्याचा भाव ७९,६६७ रुपये होता तर गेल्या आठवड्यात सोन्याचा भाव ७६,३४७ रुपये प्रति १० ग्रॅम होता. मुंबईत आज चांदीचा भाव ९३,८०० रुपये प्रति किलो तर सोमवारी ९४,४०० रुपये होता. गेल्या आठवड्यात हा दर ९१ हजार ८०० रुपये किलो होता.

दिल्ली सराफा बाजारात आज सोन्याचा भाव तोळ्यामागे २० रुपयांनी घसरून ३८,१०० रुपये झाला आहे. सोमवारी तो ७९८१३ रुपयांवर होता. गेल्या आठवड्यात सोन्याचा भाव प्रति १० ग्रॅम ७६,४९३ रुपये होता. आज चांदीचा भाव ९४,५०० रुपये प्रति किलो तर सोमवारी ९५,१०० रुपये प्रति किलो होता.

हेही वाचा: अवघ्या सहा दिवसांत पैसे दुप्पट झाले! शेअरची किंमत सहज परवडेल अशी, पाहा!

चेन्नईत आज सोन्याचा भाव प्रति १० ग्रॅम ७८,५६१ रुपये आणि सोमवारी ७९,६६१ रुपये प्रति १० ग्रॅम होता. गेल्या आठवड्यात तो ७६,३४१ रुपये प्रति १० ग्रॅम होता. तर चेन्नईत आज चांदीचा भाव १,०३,१०० रुपये प्रति किलो आहे. काल तो १,०३,७०० रुपये आणि गेल्या आठवड्यात चांदीचा दर १,०१,६०० रुपये प्रति किलो होता.

कोलकात्यात आज सोन्याचा भाव ७८,५६५ रुपये प्रति १० ग्रॅम असून गेल्या आठवड्यात तो ७६,३४५ रुपये होता. कोलकात्यात आज चांदीचा भाव ९५,३०० रुपये प्रति किलो होता तर गेल्या आठवड्यात ९३,३०० रुपये प्रति किलो होता.