बजेटला दोन दिवस उरले असताना गगनाला भिडले सोन्याचे भाव, चांदीची चमकही वाढली! आजचे दर किती?
मराठी बातम्या  /  बिझनेस  /  बजेटला दोन दिवस उरले असताना गगनाला भिडले सोन्याचे भाव, चांदीची चमकही वाढली! आजचे दर किती?

बजेटला दोन दिवस उरले असताना गगनाला भिडले सोन्याचे भाव, चांदीची चमकही वाढली! आजचे दर किती?

Jan 30, 2025 02:55 PM IST

Gold Silver Price Before Budget : देशात सोन्याचा दर प्रति १० ग्रॅममागे ८१ हजारांवर गेला आहे. तर, चांदीच्या भावातही मोठी वाढ झाली आहे. आगामी अर्थसंकल्पाच्या पार्श्वभूमीवर ही वाढ झाल्याचं बोललं जात आहे.

बजेटला दोन दिवस उरले असताना गगनाला भिडले सोन्याचे भाव, चांदीची चमकही वाढली!
बजेटला दोन दिवस उरले असताना गगनाला भिडले सोन्याचे भाव, चांदीची चमकही वाढली!

Gold Silver Price Today : येत्या शनिवारी देशाचा सर्वसाधारण अर्थसंकल्प सादर होत असून त्याआधी सोने व चांदीच्या भावानं उचल खाल्ली आहे. सोन्याच्या किमतींनी आतापर्यंतचा उच्चांक गाठला आहे. दुपारी १२ वाजता प्रसिद्ध झालेल्या IBJA दरानुसार, २४ कॅरेट सोनं तोळ्याला ८१ हजार रुपयांच्या पुढं गेलं आहे. तर, चांदी ९१६०० रुपये किलो झाली आहे.

CTA icon

तुमच्या शहरातील सोन्याचा आजचा भाव पाहण्यासाठी इथं क्लिक करा

इंडियन बुलियन अँड ज्वेलर्स असोसिएशननं (IBJA) सोन्याचे वेगवेगळ्या कॅरेटचे दर जाहीर केले आहेत. त्यात GST चा समावेश नाही. त्यामुळं प्रत्यक्ष किंमतीमध्ये १ ते २ हजार रुपयांचा फरक असू शकतो.

आयबीजेएच्या दरानुसार, २३ कॅरेट सोन्याचा सरासरी दर ८०६८२ रुपयांवर पोहोचला आहे. २२ कॅरेट सोन्याचा भावही ७४२०२ रुपयांवर पोहोचला असून १८ कॅरेट सोन्याचा भावही ६०,७५५ रुपयांवर पोहोचला आहे.

मुंबईत सोनं ८३ हजारांवर

मुंबईत २४ कॅरेट सोन्याचा भाव तोळ्यामागे ८३०२० रुपये आहे. तर, २२ कॅरेट सोन्याचा भाव ७६,१०० रुपये आहे. १८ कॅरेट सोन्याचा भाव प्रति १० ग्रॅम ६२२७० रुपये आहे.

चांदीचा भाव मुंबईत किलोमागे ९८,५०० रुपयांवर पोहोचला आहे. ही वाढ अशीच कायम राहिल्यास चांदी किलोमागे लाखाचा टप्पा गाठू शकते.

सोन्याचा भाव का वाढतोय?

येत्या अर्थसंकल्पात सोन्या-चांदीवरील आयात शुल्कात वाढ होण्याची शक्यता वर्तवली जात आहे. त्यामुळं सोन्याची खरेदी वाढली आहे. लग्नसराईचा हंगाम असल्यानं मागणीही वाढली आहे. गेल्या वर्षी जुलैच्या अर्थसंकल्पात अर्थमंत्र्यांनी सोने आणि चांदीवरील आयात शुल्क १५ टक्क्यांवरून ६ टक्क्यांवर आणलं होतं. ही आतापर्यंतची सर्वात मोठी कपात होती आणि २०१३ नंतर पहिल्यांदाच आयात शुल्क १० रुपयांच्या खाली आलं. या कपातीनंतर सोन्याच्या दरात मोठी घसरण झाली होती. आता आयात शुल्कातील वाढीच्या चर्चेमुळं उलट परिणाम होत आहे.

Whats_app_banner