Gold Silver Rate Today : बजेटनंतर घसरलेल्या सोन्याच्या भावात मोठी उसळी, चांदीची चकाकीही वाढली! पाहा आजचे दर

सराफा बाजारात २४ कॅरेट सोन्याचा भाव आज तोळ्यामागे ५९६ रुपयांनी वाढून ६९९०५ रुपयांवर पोहोचला आहे. तर, एक किलो चांदीचा भाव ५६८ रुपयांनी वाढून ८३५४२ रुपयांवर पोहोचला आहे. गेल्या ४ दिवसांत सोन्याच्या दरात ११११ रुपयांनी तर चांदीच्या दरात १३५० रुपयांची वाढ झाली आहे.

कॅरेटनुसार कसे आहेत सोन्याचे दर?

IBJA ने जारी केलेल्या दरानुसार, आज २३ कॅरेट सोन्याची किंमत ५९४ रुपयांनी वाढून ६९,६२५ रुपये प्रति १० ग्रॅमवर ​​पोहोचली आहे. त्याचवेळी २२ कॅरेट सोन्याचा भावही ५४६ रुपये प्रति १० ग्रॅमनं वाढून ६४,०३३ रुपयांवर पोहोचला आहे. दुसरीकडं, १८ कॅरेट सोन्याचा भाव ४४७ रुपयांनी वाढून तोळ्यामागे ५२,४२९ रुपये झाला आहे. आज १४ कॅरेट सोन्याचा भाव ३४८ रुपयांनी वाढून ४०,८९४ रुपये प्रति दहा ग्रॅम झाला आहे.

का वाढतायत सोन्या-चांदीचे भाव?

केडिया कमोडिटीजचे अध्यक्ष अजय केडिया यांच्या मते, तांत्रिक सेटअप आणि कप आणि हँडल पॅटर्नचा विचार करता, सोनं प्रति औंस २७०० डॉलरपर्यंत जाऊ शकतं. दीर्घ कालावधीचा विचार करता सोन्यात तेजी अपेक्षित आहे. याचाच अर्थ येत्या काही दिवसांत देशांतर्गत बाजारात सोनं ७७ हजार ते ७७,५०० पर्यंत पोहोचू शकतं. कारण, जगभरातील केंद्रीय बँका सोन्याची खरेदी सुरू ठेवत आहेत. भू-राजकीय तणाव कायम आहे. आता इस्रायल आणि इराणमधील तणाव सोन्याच्या किमतीला अनुकूल ठरत आहे.

हेही वाचा: अनिल अंबानी पुन्हा चर्चेत! रिलायन्स पॉवरच्या शेअरची कमाल, १ लाखाचे केले ३० लाख

जीएसटीसह सोन्याची किंमत

३ टक्के जीएसटीसह २४ कॅरेट सोन्याची किंमत आता ७२००२ रुपये प्रति १० ग्रॅमवर ​​पोहोचली आहे. त्याच वेळी, जीएसटीसह २३ कॅरेट सोन्याची किंमत ७१,७१३ रुपये आणि २२ कॅरेट सोन्याची किंमत ६५,९५३ रुपयांवर पोहोचली आहे. जीएसटीसह १८ कॅरेट सोन्याची किंमत ५४००१ रुपये आहे. ज्वेलरी मेकिंग चार्जेस आणि ज्वेलर्सचा नफा यात समाविष्ट केलेला नाही. जीएसटीसह एक किलो चांदीचा भाव ८६,०४८ रुपयांवर पोहोचला आहे.

(डिस्क्लेमर : सोने आणि चांदीचे हे दर IBJA नं जाहीर केले आहेत. यात दागिने बनवण्याच्या शुल्काचा समावेश नाही. त्यामुळं तुमच्या शहरातील सोन्या-चांदीच्या किंमतीत १ ते २ हजार रुपयांचा फरक असू शकतो.)