Gokul Milk price Hike : महागाईला उकळी! गोकुळ दूधाच्या दरात ३ रुपयांची वाढ

गोकुळच्या गाईच्या दूधात ३ रुपये वाढ झाली आहे. आता किंमत प्रतिलीटर ५४ रुपयांवर पोहोचली आहे. ही दरवाढ तात्काळ लागू करण्यात आले आहे. या निर्णयामुळे मुंबई, ठाणे, रायगड जिल्ह्याला थेट दूध दरवाढीचा फटका बसणार आहे. गेल्या वर्षभरात गोकूळच्या दुधात आतापर्यंत ४ वेळा वाढ करण्यात आली आहे. दरम्यान, गोकूळच्या फूल क्रिम दूधाच्या किंमतीत कोणतीही वाढ करण्यात आलेली नाही.

गोकूळ संघातर्फे जाहीर करण्यात आलेल्या प्रसिद्धी पत्रकानुसार, दूध उत्पादक शेतकऱ्यांच्या दूध खरेदी दरामध्ये वाढ करण्यात आल्यामुळे संघामार्फत दिनांक ६ डिसेंबरपासून मुंबई शहर व उपनगरे, नवी मुंबई, ठाणे व रायगड जिल्हयामध्ये वितरीत होणाऱ्या गोकुळ दुधाच्या ग्राहक किंमतीत नाईलाजास्तव वाढ करण्यात येत असून, सदरचे सुधारीत दर खालीलप्रमाणे राहतील. याची ग्राहकांनी नोंद घ्यावी व सहकार्य करावे,अशी माहिती गोकुळचे चेअरमन विश्वास पाटील यांनी दिली. जनावरांसाठी वापरल्या जाणाऱ्या चाऱ्याच्या दरांमध्ये वाढ झाल्यामुळे दुधाचे दर वाढवण्यात आले आहेत. या दरवाढीमुळे उत्पादकांना दिलासा मिळाला असला तरी त्याचा भार आता ग्राहकांवर पडला आहे. 

Gokul Milk : गोकुळच्या दूध खरेदी दरात महिन्यात दुसऱ्यांदा वाढ, दूध उत्पादक शेतकऱ्यांना दिलासा