अदानी दिग्गज समूहाच्या कंपनीत येणार का? या कराराबद्दल बोलताना

सूत्रांनी बिझनेस टुडेला सांगितले की, अहमदाबादस्थित अदानी रियल्टीचे वरिष्ठ अधिकारी एम्मार इंडियाच्या नेतृत्वाशी चर्चा करत आहेत. सूत्रांनी दिलेल्या माहितीनुसार, एका संभाव्य व्यवहारावर चर्चा सुरू आहे, ज्यात एमार इंडियामधील मालकीचा काही भाग अदानी समूहाला विकण्याचा समावेश असेल. मात्र, त्यावर अद्याप अंतिम शिक्कामोर्तब झालेले नाही. सूत्रांनी सांगितले की, दोन्ही संस्था सध्या वाटाघाटीच्या प्राथमिक टप्प्यात आहेत आणि हिस्सा विक्रीचा रोडमॅप तयार केला जात आहे. आणखी एका सूत्राने सांगितले की, अदानी समूह किती हिस्सा घेण्याची शक्यता आहे याबद्दल कोणतीही खात्री नाही.

गुडगाव मुख्यालय असलेली एम्मार इंडिया ही देशातील व्यावसायिक आणि गृहनिर्माण रिअल इस्टेट बाजारपेठेतील आघाडीची कंपनी आहे. यापूर्वी एम्मार इंडियाचे मुख्य कार्यकारी अधिकारी कल्याण चक्रवर्ती यांनी यावर्षी ८ ते १० दशलक्ष चौरस फुटांचे रिअल इस्टेट प्रकल्प सुरू करण्याच्या योजनेबद्दल सांगितले होते. या प्रकल्पांमध्ये २०२९ पर्यंत सुमारे १ अब्ज डॉलर (सध्याच्या दराने ८,४०० कोटी रुपये) गुंतवणूक होणार आहे. प्रसारमाध्यमांशी बोलताना त्यांनी सांगितले होते की, नवीन प्रकल्पांपैकी 80 टक्के प्रकल्प गुडगावमध्ये असतील. सध्या गुडगाव, जयपूर, लखनौ, मोहाली आणि इंदूर या देशातील पाच बाजारपेठांमध्ये कंपनीची उपस्थिती आहे.