Motorola: फ्लिपकार्टवर मोटोरोला एज ५० प्रो मोठ्या सवलतीसह उपलब्ध, ग्राहकांचे 'इतके' पैसे वाचणार!

फ्लिपकार्ट अ‍ॅक्सिस बँकेच्या कार्डद्वारे पेमेंट केल्यास ५ टक्के कॅशबॅक मिळेल. आयपी ६८ अंडरवॉटर प्रोटेक्शनसह या फोनवर १८ हजार ५० रुपयांपर्यंत एक्स्चेंज बोनस देखील दिला जात आहे. एक्स्चेंज ऑफरमध्ये मिळणारी सूट आपल्या जुन्या फोन, ब्रँड आणि कंपनीच्या एक्स्चेंज पॉलिसीवर अवलंबून असेल.

दमदार फीचर्ससह मोटोरोलाच्या 'या' फोनची गुपचूप बाजारात एन्ट्री, पाण्यात पडला तरी काय होणार नाही!

मोटोरोला एज ५० प्रो: डिस्प्ले

कंपनी या फोनमध्ये १.५ के रिझोल्यूशनसह ६.७ इंचाचा पीओएलईडी कर्व्ड डिस्प्ले देत आहे. फोनमध्ये देण्यात आलेला हा डिस्प्ले १४४ हर्ट्झच्या रिफ्रेश रेटला सपोर्ट करतो. फोनची पीक ब्राइटनेस लेव्हल २००० निट्सपर्यंत आहे.

मोटोरोला एज ५० प्रो: स्टोरेज

हा मोटोरोला फोन १२ जीबी पर्यंत रॅम आणि २५६ जीबीपर्यंत इंटरनल स्टोरेज पर्यायात येतो. प्रोसेसर म्हणून फोनमध्ये स्नॅपड्रॅगन 7 जेन 3 चिपसेट पाहायला मिळेल. फोटोग्राफीसाठी फोनच्या बॅक पॅनेलवर एलईडी फ्लॅशसह तीन कॅमेरे देण्यात आले आहेत.

मोटोरोला एज ५० प्रो: कॅमेरा

यामध्ये ५० मेगापिक्सलचा प्रायमरी कॅमेरा आणि १० मेगापिक्सलचा टेलिफोटो लेन्ससह १३ मेगापिक्सलचा अल्ट्रावाइड अँगल लेन्स चा समावेश आहे. फोनचा मेन कॅमेरा आणि टेलिफोटो कॅमेरा ओआयएस म्हणजेच ऑप्टिकल इमेज स्टॅबिलायझेशनसोबत येतो. तर सेल्फीसाठी या फोनमध्ये तुम्हाला ५० मेगापिक्सलचा फ्रंट कॅमेरा पाहायला मिळणार आहे.

मोटोरोला एज ५० प्रो: बॅटरी

मोटोरोला या फोनमध्ये ४ हजार ५०० एमएएच ची बॅटरी देत आहे. ही बॅटरी १२५ वॉट फास्ट चार्जिंगला सपोर्ट करते. फोनमध्ये ५० वॅट वायरलेस चार्जिंग देखील आहे. दमदार साउंड एक्सपीरियंससाठी तुम्हाला या फोनमध्ये डॉल्बी अ‍ॅटमॉस देखील मिळेल.