'या' राज्यात भाजप जिंकल्यास शेतकऱ्यांना पीएम किसान योजनेच्या पैशांबरोबरच आणखी ५ हजार रुपये मिळणार

केंद्रीय मंत्री म्हणाले की, झारखंडमधील मागील भाजप सरकार शेतकऱ्यांना पाच एकरांपर्यंत वार्षिक एकरी पाच हजार रुपये देत होते, परंतु झामुमोच्या नेतृत्वाखालील आघाडी सरकारने 2019 मध्ये सत्तेत आल्यानंतर ते बंद केले. राज्यात भाजपची सत्ता आल्यास ही योजना पूर्ववत करण्यात येईल आणि किसान सन्मान निधी योजनेंतर्गत केंद्राने दिलेल्या सहा हजार रुपयांव्यतिरिक्त शेतकऱ्यांना एकरी पाच हजार रुपये मिळतील, असे चौहान यांनी सांगितले. राज्यात भाजपची सत्ता आल्यास शेतकऱ्यांकडून ३१०० रुपये प्रतिक्विंटल दराने धान खरेदी करू, असेही केंद्रीय मंत्र्यांनी सांगितले. झारखंडमध्ये या वर्षाच्या अखेरीस विधानसभा निवडणुका होणार आहेत.

दरम्यान, पीएम किसान सन्मान निधीच्या 18 व्या हप्त्याच्या प्रतीक्षेत असलेल्या देशभरातील कोट्यवधी शेतकऱ्यांच्या बँक खात्यात पैसे ट्रान्सफर होणार आहेत. पंतप्रधान नरेंद्र मोदी 5 ऑक्टोबर रोजी लाभार्थी शेतकऱ्यांना पैसे हस्तांतरित करणार आहेत. केंद्र सरकारने आतापर्यंत 17 हप्त्यांमध्ये 11 कोटींहून अधिक शेतकऱ्यांना 3.24 लाख कोटी रुपयांपेक्षा जास्त रक्कम वितरित केली आहे.

पीएम-किसान बद्दल

ही एक केंद्रीय क्षेत्राची योजना आहे, जी जमीन धारक शेतकऱ्यांच्या आर्थिक गरजा पूर्ण करण्यासाठी फेब्रुवारी 2019 मध्ये सुरू करण्यात आली होती. या योजनेअंतर्गत वर्षाला सहा हजार रुपये तीन समान हप्त्यांमध्ये म्हणजेच २००० रुपयांच्या हप्त्यांमध्ये हस्तांतरित केले जातात.