EPFO 3.0 : खटाखट… खटाखट! पीएफचे पैसे ATM मधून काढता येणार? केंद्र सरकार नव्या योजनेच्या विचारात

सीएनबीसीनं या संदर्भात वृत्त दिलं आहे. त्यानुसार, ईपीएफओ ग्राहकांना एटीएमद्वारे थेट पीएफ काढण्याचा पर्याय दिला जाऊ शकतो. एटीएमच्या माध्यमातून पीएफ काढण्यासाठी कामगार मंत्रालय कार्ड जारी करण्याची तयारी करत असल्याचं सांगितलं जात आहे.

हेही वाचा: तब्बल ३३०० कोटींचे कंत्राट मिळताच कंपनीच्या शेअरमध्ये जोरदार तेजी, तुमच्याकडं आहे का?

१२ टक्के योगदानाची मर्यादा काढली जाणार

भविष्य निर्वाह निधीतील (PF) कर्मचाऱ्यांच्या योगदानावरील १२ टक्के मर्यादा ईपीएफओकडून काढून टाकली जाण्याची शक्यता आहे. कर्मचाऱ्यांना लवकरच त्यांच्या बचतीच्या नियोजनानुसार व स्वत:च्या प्राधान्याक्रमानुसार पीएफ खात्यात योगदान देण्याची सुविधा मिळू शकते. ही योजना सध्याच्या मर्यादेपेक्षा जास्त ठेवींना परवानगी देऊ शकते. मात्र, हा प्रस्ताव प्राथमिक चर्चेच्या टप्प्यात आहे.

हेही वाचा: 'या' कंपनीचे शेअर्स तुमच्याकडं असतील तर २ वर्षे अजिबात विकू नका! होऊ शकतो छप्परफाड नफा

सध्या ईपीएफओ सदस्यांच्या पगाराच्या १२ टक्के रक्कम (मूळ वेतन आणि महागाई भत्ता) ईपीएफ खात्यात जाते. कर्मचाऱ्याच्या १२ टक्के योगदानापैकी ८.३३ टक्के रक्कम ईपीएस ९५ (Employee Pension Scheme) मध्ये जाते, तर उर्वरित ३.६७ टक्के रक्कम ईपीएफ खात्यात जमा होते. सूत्रांच्या माहितीनुसार, नरेंद्र मोदी सरकार सामाजिक सुरक्षेचे फायदे जास्तीत जास्त प्रमाणात पोहोचवण्याबरोबरच देशात रोजगार निर्मितीवरही लक्ष केंद्रित करत आहे.