EPFO News : कर्मचारी भविष्य निर्वाह निधी संघटनेने (EPFO) उपचार, शिक्षण, लग्न आणि घर खरेदीसाठी पैसे काढण्याची प्रक्रिया सुलभ केली आहे. यासाठी ऑटोमॅटिक क्लेम सेटलमेंटची (ऑटो-मोड सेटलमेंट) सुविधा सुरू करण्यात आली आहे. त्यामुळे तीन दिवसांत नागरिकांच्या खात्यात आता पैसे जमा होणार आहे. सध्या या प्रक्रियेला १० ते १५ दिवस लागतात.
EPFO तून आगाऊ पैसे काढण्यासाठी या आधी मोठा कालावधी लागतो. कारण ईपीएफ सदस्याची पात्रता, दाव्यासाठी सादर केलेली कागदपत्रे, केवायसी परिस्थिती, वैध बँक खाते इत्यादींची पडताळणी केली जाते. या प्रक्रियेत अनेकदा अवैध दावे हे रद्द केले जातात, किंवा नाकारले जातात. ही प्रक्रिया ऑनलिन होणार असल्याने आता या प्रक्रियेतील मानवी हस्तक्षेप कमी होणार आहे.
या प्रक्रियेत, आगाऊ रक्कम काढण्यासाठी करण्यात आलेला दावा हा आपोआप निकाली काढला जाणार आहे. केवायसी, पात्रता आणि बँक खाते पडताळणी आयटी टूल्सद्वारे हे दावे निकाली काढले जाणार आहेत. यामुळे क्लेम सेटलमेंट कालावधी हा १० दिवसांवरून आता ३-४ दिवसांवर येणार आहे. ऑटो-मोड सेटलमेंटद्वारे सदस्य २ लाख रुपयांपर्यंत पैसे काढता येणार आहे. यापूर्वी ही मर्यादा केवळ ५० हजार रुपये होती.
नवीन प्रक्रियेअंतर्गत, पूर्ण न झालेला कोणताही दावा रद्द केला जाणार नाही किंवा नाकारला जाणार नाही. हा दावा दुसऱ्या स्तरावरील तपासासाठी आणि मंजुरीसाठी पुढे नेण्यात येईल आणि त्यावर तोडगा काढण्यात येईल.
ऑटो मोड अंतर्गत पीएफ खात्यातून आगाऊ रक्कम काढण्यासाठी, ईपीएफओच्या ई-सेवा पोर्टलद्वारे अर्ज करावा लागेल. यासाठी सदस्याने फॉर्म-३१ ऑनलाइन भरून सबमिट करणे बंधनकारक करण्यात आले आहे.
जर एखाद्याने खत्यातून १० हजार रुपये काढले तर त्याचे २० वर्षांनंतर 50 हजार रुपये आणि ३० वर्षांनंतर १ लाख १४ हजार रुपयांचे नुकसान होईल. जर आता २० हजार रुपये काढल्यास २० वर्षांनंतर १ लाख १ हजार रुपये आणि ३० वर्षांनंतर २ लाख २८ हजार रुपयांचे नुकसान होईल. ५० हजार रुपये काढल्यास २० वर्षांनंतर २ लाख ५३ हजार रुपये आणि ३० वर्षांनंतर ५ लाख ७१ हजार रुपयांचे नुकसान होईल. जर तुम्ही आज १ लाख रुपये काढले तर तोटा २० वर्षांनंतर ५ लाख ०७ हजार रुपये आणि ३० वर्षांत ११ लाख ४३ हजार रुपये होईल. आता २ लाख रुपये काढले तर १० लाख १५ हजार रुपये आणि २० वर्षांत २२ लाख ८७ हजार रुपयांचे नुकसान होईल.
संबंधित बातम्या