IPO News : कंपनीच्या नावातच धन आणि लक्ष्मी आहे! ही संधी सोडू नका! आयपीओ आजपासून खुला

धनलक्ष्मी क्रॉप सायन्स आयपीओची किंमत ५२ ते ५५ रुपये प्रति शेअर अशी आहे. आयपीओसाठी कंपनीनं २००० शेअर्सचा लॉट बनवला आहे. त्यामुळं गुंतवणूकदारांना किमान १,१०,००० रुपयांचा सट्टा लावावा लागणार आहे. ही कंपनी एनएसई एसएमईवर लिस्टेड होती.

हेही वाचा: डिसेंबर महिन्यात हे १६ शेअर्स देऊ शकतात भरघोस नफा, अ‍ॅक्सिस सिक्युरिटीजनं सुचवली नावं

ग्रे मार्केटमध्ये कंपनीचा आयपीओ?

कंपनीचा आयपीओ आज ग्रे मार्केटमध्ये २८ रुपयांच्या प्रीमियमवर व्यवहार करत आहे. गेल्या काही दिवसांपासून जीएमपी जैसे थे आहे. इन्व्हेस्टर्स गेनच्या अहवालानुसार, आयपीओची प्रस्तावित लिस्टिंग ८३ रुपये आहे. सध्या कंपनीचा आयपीओ आतापर्यंतच्या सर्वोच्च जीएमपीवर ट्रेड करत आहे.

कंपनीनं दिलेल्या माहितीनुसार, पात्र संस्थात्मक खरेदीदारांसाठी जास्तीत जास्त ५० टक्के हिस्सा राखीव ठेवला जाऊ शकतो. किरकोळ गुंतवणूकदारांसाठी किमान ३५ टक्के हिस्सा राखीव ठेवण्यात येणार आहे. किमान १५ टक्के हिस्सा बिगर संस्थात्मक गुंतवणूकदारांसाठी राखीव ठेवण्यात येणार आहे. या आयपीओने अँकर गुंतवणूकदारांच्या माध्यमातून ६.३७ कोटी रुपये उभे करण्यात यश मिळवलं आहे. कंपनीचा आयपीओ ६ डिसेंबर रोजी अँकर गुंतवणूकदारांसाठी खुला झाला आहे.

हेही वाचा : १०० रुपयांपेक्षा कमी किंमतीचे हे ५ छोटे शेअर देऊ शकतात मोठा नफा, तज्ज्ञांनी सुचवली नावे

कंपनी काय करते?

धनलक्ष्मी क्रॉप सायन्स लिमिटेडची स्थापना २००५ मध्ये झाली. ही कंपनी विविध पिके आणि भाजीपाल्यासाठी बियाणे तयार करते, त्यावर प्रक्रिया करते आणि विकते.

(डिस्क्लेमर: हे वृत्त केवळ माहितीपर आहे. तज्ज्ञांनी व्यक्त केलेली मतं व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)