DAM Capital News : वर्षाचा शेवट गोड झाला! आयपीओमध्ये २८३ रुपये किंमत असलेला शेअर लिस्ट होताच ४५० पार गेला!

आयपीओमध्ये डीएएम कॅपिटल अ‍ॅडव्हायझर्सच्या शेअरची किंमत २८३ रुपये होती. कंपनीचा एकूण इश्यू साइज ८४०.२५ कोटी रुपयांपर्यंत होता. हा आयपीओ १९ डिसेंबररोजी सब्सक्रिप्शनसाठी खुला झाला आणि २३ डिसेंबरपर्यंत खुला राहिला.
लिस्टिंगनंतर डीएएम कॅपिटल अ‍ॅडव्हायझर्सच्या शेअर्समध्ये तेजी आली आहे. बीएसईवर कंपनीचा शेअर १५ टक्क्यांहून अधिक वाढून ४५६.९० रुपयांवर पोहोचला आहे. एनएसईवर कंपनीचा शेअर १५ टक्क्यांहून अधिक वधारून ४५६.९० रुपयांवर पोहोचला आहे.

हेही वाचा: पहिल्याच दिवशी गुंतवणूकदारांचे पैसे दुप्पट, तुम्हाला लागला होता का 'हा' आयपीओ?

प्रवर्तकांचा हिस्सा किती घटला?

आयपीओ येण्याआधी कंपनीतील प्रवर्तकांचा हिस्सा ४५.८८ टक्के होता, तो आता ४१.५ टक्क्यांवर आला आहे. धर्मेश अनिल मेहता, सोनाली धर्मेश मेहता आणि बूमबकेट अ‍ॅडव्हायझर्स प्रायव्हेट लिमिटेड हे कंपनीचे प्रवर्तक आहेत.

आयपीओ झाला होता ८१ पट सबस्क्राइब

डीएएम कॅपिटल अ‍ॅडव्हायझर्सचा आयपीओ एकूण ८१.८८ पट सबस्क्राइब झाला होता. आयपीओमध्ये किरकोळ गुंतवणूकदारांचा कोटा २६.८ पट, तर कर्मचाऱ्यांचा कोटा ४०.०९ पट सबस्क्राइब झाला होता. आयपीओमध्ये नॉन इन्स्टिट्यूशनल इन्व्हेस्टर्स (NII) श्रेणीत ९८.४७ पट, तर पात्र संस्थात्मक खरेदीदारांचा कोटा १६६.३३ पट सब्सक्राइब झाला होता. कंपनीच्या आयपीओमध्ये किरकोळ गुंतवणूकदार कमीत कमी एका आणि जास्तीत जास्त १३ लॉटसाठी अर्ज करू शकत होते. आयपीओमध्ये एका लॉटमध्ये ५३ शेअर्स होते. म्हणजेच किरकोळ गुंतवणूकदारांना किमान १४,९९९ रुपयांची गुंतवणूक करावी लागली होती.

हेही वाचा: बीकेसीत भरलंय मुंबईतील सर्वात मोठं इलेक्ट्रॉनिक्स प्रदर्शन; पाहा, वापरून बघा आणि खरेदी करा!

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)