Cyient Share : सायंट कंपनीच्या शेअरचे हाल; २० टक्क्यांनी गडगडला! काय आहेत कारणं?

पहिलं कारण म्हणजे खराब तिमाही निकाल. तिमाही निकालानंतर कंपनीनं आर्थिक वर्ष २०२५ साठी महसुली वाढीत कपात केल्यानं गुंतवणूकदारांना मोठा धक्का बसला. महसुली वाढ स्थिर राहील असं अशी अपेक्षा याआधी कंपनीला होती. मात्र आता ही वाढ नकारात्मक होईल असं बोललं जातं. २० टक्क्यांहून अधिक घसरणीनंतर कंपनीच्या शेअरची किंमत १४० रुपयांवर आली आहे. ही शेअरची ५२ आठवड्यांची नीचांकी पातळी आहे.

सीईओचा राजीनामा

कंपनीचे सीईओ कार्तिकेयन नटराजन यांनी आपल्या पदाचा राजीनामा दिला आहे. त्यांच्या जागी नव्या हंगामी सीईओची नियुक्ती करण्यात आली आहे. या आकस्मिक बदलांमुळं गुंतवणूकदारांनाच नव्हे तर तज्ज्ञांनाही धक्का बसला आहे. त्यामुळं त्यांनी कंपनीचे उत्पन्न आणि टार्गेट प्राइसमध्ये कपात केली आहे.

हेही वाचा: अदानीच्या ६२ रुपयांच्या शेअरवर तुटून पडले गुंतवणूकदार, काय आहे कारण?

या शेअरच्या वाटचालीचा पाठपुरावा करणाऱ्या ब्रोकरेज कंपनी नुवामा इन्स्टिट्यूशनल इक्विटीजनं कंपनीचे शेअर्स विकण्याचा सल्ला दिला आहे. मनीकंट्रोलच्या रिपोर्टनुसार, ब्रोकरेज हाऊसनं या आयटी शेअरला 'सेल' टॅग दिला आहे.

तिमाही निकाल

डिसेंबर तिमाहीत कंपनीचा एकूण निव्वळ नफा १२७.७० कोटी रुपये होता. वार्षिक आधारावर तो ३१.५६ टक्के कमी आहे. गेल्या वर्षी याच तिमाहीत कंपनीला १८६.६० कोटी रुपयांचा निव्वळ नफा झाला होता. तर कंपनीच्या महसुलात ०.५ टक्क्यांनी किरकोळ वाढ झाली आहे. डिसेंबर तिमाहीत कंपनीचा महसूल १९०९.८० कोटी रुपये होता.

हेही वाचा: डोंगराएवढा नफा! अवघ्या ३६ पैशांच्या शेअरनं पाच वर्षांत १ लाखाचे २ कोटी केले!

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)