Share Market Scam: शेअर मार्केटमध्ये ३० लाख कोटीचा घोटाळा; Exit Poll कंपन्यांसह मोदी, शहांची चौकशी कराः राहुल गांधी

हे वाचाः निवडणूक निकालांचा म्युच्युअल फंडांना मोठा फटका, ९० हजार कोटी बुडाले

‘पंतप्रधान आणि केंद्रीय गृहमंत्र्यांनी लोकांना शेअर खरेदी करण्याचे संकेत दिले होते. भारतातील लाखो किरकोळ गुंतवणुकदारांनी टाकलेल्या पैशावर कुणीतरी हजारो कोटी रुपये कमावले आहेत. हा एक मोठा घोटाळा आहे, याची आम्हाला खात्री आहे. त्यामुळे आम्ही याची संयुक्त संसदिय समितीमार्फत चौकशीची मागणी करतोय.’ असं राहुल गांधी पत्रकार परिषदेत म्हणाले. 

पिक्चर अभी बाकी है… अमोल किर्तीकर निवडणुकीच्या निकालाला न्यायालयात आव्हान देणार?

निवडणुकीचे निकाल काय येणार, याची मोदींना कल्पना होता

‘गुप्तचर विभागाचे अहवाल, स्वतःची, पक्षाची आकडेवारी यामार्फत पंतप्रधान आणि केंद्रीय गृहमंत्र्यांकडे प्रत्यक्ष निवडणूक निकालाच्या आकडेवारीची माहिती असते. असं असताना ते किरकोळ गुंतवणूकदारांना शेअर खरेदीचा सल्ला देत होते. असं यापूर्वी कधी झालं नव्हतं. पंतप्रधानांनी यापूर्वी कधीही शेअर बाजारावर भाष्य केलेलं नाही. शेअर बाजारात तेजी येणार असं पंतप्रधानांनी पहिल्यांदाच, लागोपाठ बोललेले. त्यांचं भाष्य अतिशय मनोरंजक होते’, असं राहुल गांधी म्हणाले. एक्झिट पोल चुकीचे आहेत, याची माहिती पंतप्रधानांकडे होती, असा आरोप राहुल गांधी यांनी केला.

१३ मे रोजी केंद्रीय गृहमंत्री अमित शहा यांनी शेअर बाजारातील हालचालींचा लोकसभा निवडणुकीशी थेट संबंध जोडू नये, असं म्हटलं होतं. यापूर्वीही बाजारात घसरण झाली आहे. त्यामुळे त्याचा थेट निवडणुकीशी संबंध जोडता कामा नये. असो, काही अफवांमुळे पडझडीला चालना मिळाली असावी. ४ जूनपूर्वी शेअर खरेदी करा. बाजारात तेजी येणार आहे, असं अर्थमंत्र्यांनी एनडीटीव्हीला सांगितले होतं, असं राहुल गांधी म्हणाले. 

पंतप्रधान मोदी आणि केंद्रीय गृहमंत्र्यांनी किरकोळ गुंतवणूकदारांना शेअर खरेदीचा सल्ला दिला. हा अदानी प्रकरणापेक्षा मोठा आणि व्यापक मुद्दा आहे. तो अदानी प्रकरणाशी निगडित आहे, पण हा खूप व्यापक आहे. 

हे वाचाः महाराष्ट्रात 'मोदी मॅजिक' निष्प्रभ! जिथं नरेंद्र मोदींच्या सभा झाल्या, तिथले बहुतेक उमेदवार हरले!