एकावर तीन शेअर फुकट देतेय ही चिमुकली कंपनी; २२० टक्क्यांनी वाढला भाव, तुमच्याकडं आहे का 'हा' शेअर?

ग्रोव्ही इंडियाचा शेअर आज तब्बल ४.९९ टक्क्यांनी घसरला आणि तो २७९.८० रुपयांवर पोहोचला. या शेअरला आज लोअर सर्किट लागलं. गेल्या वर्षभरात ग्रोव्ही इंडियाच्या शेअरमध्ये २२० टक्क्यांनी वाढ झाली आहे, तर चालू कॅलेंडर वर्षात हा शेअर १६० टक्के वधारला आहे. गेल्या ६ महिन्यांत हा शेअर ७८ टक्क्यांनी वधारला आहे.

काय म्हणाली कंपनी?

कंपनीनं दिलेल्या माहितीनुसार, बुधवार, २३ ऑक्टोबर २०२४ ही बोनस शेअर्सची रेकॉर्ड डेट असेल. या तारखेला ज्या भागधारकांच्या खात्यात शेअर असतील, त्या पात्र भागधारकांना कंपनीचे प्रत्येकी तीन शेअर्स मोफत मिळतील. ट्रेंडलाइनवर उपलब्ध आकडेवारीनुसार कंपनी पहिल्यांदाच बोनस शेअर्स देणार आहे.

हेही वाचा: अदानी थांबायचं नावच घेईनात! आणखी एक सिमेंट कंपनी ताब्यात घेणार, शेअर सुस्साट सुटले!

कंपन्या का देतात बोनस शेअर?

सर्वसाधारणपणे कंपन्या त्यांच्या फ्री रिझर्व्हचा वापर करण्यासाठी, प्रति शेअर कमाई (EPS) वाढविण्यासाठी आणि रिझर्व्ह कमी करताना पेड-अप कॅपिटल वाढविण्यासाठी बोनस शेअर्स जारी करतात. या शेअर्सना फ्री शेअर्स असं देखील म्हणतात. भागधारकांना कोणत्याही अतिरिक्त किंमतीशिवाय हे शेअर दिले जातात. 

काय करते ही कंपनी?

ग्रोव्ही इंडिया ही एक रिअल इस्टेट डेव्हलपमेंट कंपनी आहे. दक्षिण दिल्लीतील निवासी इमारती आणि एनसीआर क्षेत्रातील व्यावसायिक मालमत्तांच्या बांधकाम व्यवसायात ही कंपनी कार्यरत आहे.

हेही वाचा: ह्युंडई मोटर्सच्या आयपीओनं केली घोर निराशा, गुंतवणूकदारांची मुद्दलही संकटात

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणूक करण्याआधी आर्थिक सल्लागाराशी चर्चा करा.)