Blinkit : ब्लिंकिटची ग्राहकांसाठी खास सुविधा, अवघ्या १० मिनिटांत वस्तू रिटर्न आणि एक्स्चेंज होणार

सध्या ब्लिंकिटची नवी सेवा दिल्ली-एनसीआरसह मुंबई, हैदराबाद, बेंगळुरू आणि पुण्यात दिली जाणार आहे. येत्या काळात आणखी अनेक शहरेही या सेवेच्या कक्षेत येणार आहेत.ही सुविधा ब्लिंकिटवरून कपडे आणि शूज खरेदी करणाऱ्यांना मिळणार आहे. आकारात किंवा फिटमध्ये समस्या असल्यास ग्राहक त्यांना डिलिव्हरी झालेले प्रॉडक्ट परत करू शकतात किंवा बदलू शकतात. विशेषत: कपडे आणि शूज या श्रेणीतील आकाराची समस्या या सुविधेमुळे सुटणार आहे.

कंपनीकडून असा दावा केला जात आहे की, रिटर्न आणि एक्स्चेंज प्रक्रियेला फक्त १० मिनिटे लागतील. ब्लिंकिटने ही नवी सेवा सर्वप्रथम दिल्ली एनसीआरमध्ये सुरू केली आणि आता ती मुंबई, बंगळुरू, हैदराबाद आणि पुण्यातही सुरू करण्यात आली आहे.

Smartphone: चांगला सेल्फी कॅमेरा असलेला फोन हवाय, पण बजेट कमी आहे? मग 'ही' बातमी नक्की वाचा

जर तुम्हाला शेवटच्या क्षणी व्हिसा कागदपत्रे, अ‍ॅडमिट कार्ड किंवा भाडे करारासाठी पासपोर्ट साइज फोटोची गरज असेल आणि तुम्ही दिल्ली किंवा गुरुग्राममध्ये असाल तर तुम्हाला ब्लिंकिटवरून १० मिनिटांत पासपोर्ट साइज फोटो मिळेल. फोटो मागवण्यासाठी आधी अ‍ॅपवर जाऊन पासपोर्ट साइज फोटो बनवण्याच्या पर्यायावर जा. यानंतर तुम्हाला तुमचा फोटो तिथे अपलोड करावा लागेल. यानंतर तुम्ही ऑर्डर करू शकता. ग्राहकांना ९९ रुपयांत ८ फोटो मिळतील.

अवघ्या १० मिनिटांत आयफोनची डिलिव्हरी

आयफोन खरेदी करणे आता फक्त एका क्लिकवर आहे. ब्लिंकिट या क्विक कॉमर्स प्लॅटफॉर्मने खरेदी केल्यानंतर काही मिनिटांतच नव्याने लाँच झालेल्या आयफोन १६ सीरिजची डिलिव्हरी सुरू केली आहे. ब्लिंकिटचे संस्थापक अल्बिंदर ढींडसा यांनी एक्सवर केलेल्या एका पोस्टमध्ये असे लिहिले होते की, ब्लिंकिटने जवळपास ३०० आयफोनची १० मिनिटाच्या आत डिलिव्हरी केली. दिल्ली एनसीआर, मुंबई, पुणे, बेंगळुरू आणि लखनौमधील ग्राहकांना काही मिनिटांत आयफोन १६ ची डिलिव्हरी करता येणार आहे. तसेच युनिकॉर्न निवडक कार्डवर अतिरिक्त सूट आणि ईएमआय पर्यायदेखील उपलब्ध असल्याचे त्यांनी म्हटले.