अरेरे... जेव्हा बँक कर्मचाऱ्याच्या चुकीने भलत्याच खात्यात ट्रान्सफर झाले तब्बल 2000,000,0000 कोटी रुपये, पुढं काय घडलं?

आता का होत आहे याची चर्चा -

ही चूक करणाऱ्या लिपिकाच्या पर्यवेक्षकानेही कागदपत्रांची नीट तपासणी न करता रक्कम मंजूर केली, या चुकीमुळे पर्यवेक्षकाला बँकेकडून बडतर्फ करण्यात आले. व्यवहार नीट न तपासल्याने बँकेने कर्मचाऱ्याला कामावरून काढून टाकले होते. परंतु या संपूर्ण प्रकरणाबाबत पर्यवेक्षक न्यायालयात गेले. ज्यावर जर्मन न्यायालयाने आपला निकाल दिला आहे.

एका शेअरवर एक शेअर मोफत देणार कंपनी, तुमच्याकडं आहे का शेअर? लगेच चेक करा!

कोर्टाने सुपरवायझरच्या बाजुने दिला निकाल -

जर्मनीच्या न्यायालयाने पर्यवेक्षकाच्या बाजूने निकाल दिला आहे. पर्यवेक्षकाला हटविण्याचा हा निर्णय योग्य नसल्याचे न्यायालयाने म्हटले आहे. एका दिवसात १०० हून अधिक व्यवहारांचा आढावा घ्यावा लागतो. त्यासाठी वेळेचेही दडपण असते. असे न्यायालयाने आपल्या निर्णयात म्हटले आहे. त्या दिवशी पर्यवेक्षकाने ८१२ कागदपत्रांचा आढावा घेतला. एवढ्या कामाच्या दरम्यान काळजीपूर्वक काम करायला फारच कमी जागा शिल्लक होती.

 बेंगळुरूमध्ये फक्त सँडविच विकून फ्रेंच माणसाने ५० कोटी कमावले! जाणून घ्या कसे?

पर्यवेक्षकाने केलेले हे कृत्य दुर्भावनापूर्ण नसल्याचे न्यायालयाने म्हटले आहे. तसेच हे घोर निष्काळजीपणाचे प्रकरण असल्याचे दिसत नाही. बरखास्त करण्याऐवजी इशारा पुरेसा ठरला असता, असे न्यायालयाने म्हटले आहे. न्यायालयाने त्या कर्मचाऱ्याला पुन्हा कामावर घेण्याचे आदेश दिले आहेत.

कंपनीला मिळालं २,१७४ कोटींचं मेट्रो प्रकल्पाचं कंत्राट, वाऱ्याच्या वेगानं वाढला शेअर

घटनेवर ऑनलाइनही चर्चा -

या घटनेवर ऑनलाइन अनेक प्रतिक्रिया उमटत आहेत. या घटनेमुळे बँकेच्या अंतर्गत त्रुटी दिसून आल्याचे अनेकांनी सांगितले. बँकेच्या केवळ पर्यवेक्षकालाच दोष देण्याच्या निर्णयावर ही लोकांनी प्रश्नचिन्ह उपस्थित केले आहे. तर काही जणांनी पर्यवेक्षकावर अन्याय केल्याचं म्हटले आहे. काही म्हणतात की हे पर्यवेक्षकाचे काम आहे आणि ते त्यांनी नीट करायला हवं.