बालाजी फॉस्फेट्सच्या आयपीओची सध्याची स्थिती काय? जाणून घ्या!

हा आयपीओ २८ फेब्रुवारीला उघडण्यात आला. गुंतवणूकदारांना आयपीओवर सट्टा लावण्यासाठी ४ मार्चपर्यंत संधी आहे. गुंतवणूकदारांना शेअर्सचे वाटप ५ मार्च रोजी होऊ शकते. तर 7 मार्च रोजी कंपनीची लिस्टिंग प्रस्तावित आहे.

प्राइस बँड काय आहे?

बालाजी फॉस्फेट्सच्या आयपीओसाठी किंमत पट्टा ६६ ते ७० रुपये प्रति शेअर निश्चित करण्यात आला आहे. कंपनीने 2000 शेअर्स ची निर्मिती केली आहे. त्यामुळे गुंतवणूकदारांना किमान १ लाख ३२ हजार रुपयांचा सट्टा लावावा लागणार आहे.

या आयपीओला पहिल्या दिवशी १९ टक्के सब्सक्रिप्शन मिळाले. रिटेल कॅटेगरीत आयपीओला २२ टक्के सब्सक्राइब मिळाले. क्यूआयबी श्रेणीत आयपीओ शून्य वेळा सब्सक्राइब करण्यात आला. तर एनआयआय श्रेणीतील आयपीओला २७ टक्के सब्सक्रिप्शन मिळाले आहे.

कंपनीचा आयपीओ २७ फेब्रुवारी रोजी अँकर गुंतवणूकदारांसाठी खुला करण्यात आला होता. कंपनीने अँकर इन्व्हेस्टर्सच्या माध्यमातून ४ कोटी रुपये उभे केले आहेत. कंपनीने अरिहंत कॅपिटल मार्केट्स लिमिटेडला बुक रनिंग लीड मॅनेजर म्हणून नियुक्त केले होते. तर स्काय लाइन फायनान्शियल सर्व्हिसेस प्रायव्हेट लिमिटेड ची रजिस्ट्रार म्हणून नियुक्ती करण्यात आली आहे.

आलोक गुप्ता आणि मोहित एरेन हे या कंपनीचे प्रवर्तक आहेत. ग्रे मार्केटमध्ये कंपनीची स्थिती चांगली नाही. ग्रे मार्केटमध्ये हा शेअर शून्य रुपयांवर ट्रेड करत आहे.

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)