BHFL Share : लिस्टिंगनंतर अवघ्या ३ दिवसांत १७० टक्के नफा; आता नफा पदरात पाडून घेण्यासाठी धावपळ

बजाज हाऊसिंग फायनान्सच्या शेअरने १६ सप्टेंबर रोजी शेअर बाजारात दमदार पदार्पण केले. हा शेअर १५० रुपये प्रति शेअरवर लिस्ट झाला होता. 70 रुपये प्रति शेअरच्या आयपीओ प्राइस बँडपेक्षा तो 114% प्रीमियमवर होता. बजाज हाऊसिंग फायनान्सच्या आयपीओमधील गुंतवणूकदार शेअर्सच्या किमतीत नुकत्याच झालेल्या तेजीनंतर नफा बुक करू शकतात, असे विश्लेषकांचे मत आहे.

प्रॉफिटमार्ट सिक्युरिटीजचे रिसर्च हेड अविनाश गोरक्षकर म्हणाले, 'बजाज हाऊसिंग फायनान्सच्या शेअर्समध्ये दमदार लिस्टिंगनंतर तेजी दिसू शकते आणि आता शॉर्ट टर्मसाठी नफावसुली होऊ शकते. भारतातील कंपनी आणि हाऊसिंग फायनान्स उद्योगाच्या दीर्घकालीन शक्यता चांगल्या असल्या तरी बजाज हाऊसिंग फायनान्सच्या शेअरची किंमत स्थिर होण्यास वेळ लागेल. आर्थिक वर्ष २०२४ च्या कमाईनुसार बजाज हाऊसिंग फायनान्सच्या शेअर्सचे मूल्यांकन महाग दिसते, असे गोरक्षकर यांचे मत आहे. आयपीओ गुंतवणूकदारांनी बजाज हाऊसिंग फायनान्सच्या समभागांच्या होल्डिंग्समध्ये अंशत: नफा बुक करावा, असा सल्ला ते देतात, तसेच नवीन गुंतवणूकदारांसाठी १५० ते १५५ रुपयांची पातळी चांगली प्रवेश पातळी ठरू शकते, असे ते सुचवतात.