Worlds First CNG Bike: प्रतिक्षा संपली! पुढच्या महिन्यात 'या' दिवशी लॉन्च होतेय जगातील पहिली सीएनजी बाईक
Bajaj Auto: जगातील पहिली सीएनजी बाईक ५ जुलै २०२४ रोजी लॉन्च होणार आहे. बजाज यांनी याला दुजोरा दिला आहे.
Bajaj CNG Bike Launch Date: बजाज ऑटोने पुढील महिन्यात सीएनजी मोटारसायकल लाँच करण्यासाठी मीडिया आमंत्रण पाठविण्यास सुरुवात केली आहे. आगामी बजाज सीएनजी बाईक आधी १७ जुलै रोजी लॉन्च होणार होती, जी आता ५ जुलै २०२४ रोजी लॉन्च होणार आहे. केंद्रीय रस्ते वाहतूक आणि महामार्ग मंत्री नितीन गडकरी यांच्या उपस्थितीत आगामी सीएनजी बाईक लॉन्च करण्यात येणार असल्याची माहिती बजाज यांनी दिली आहे. आगामी सीएनजी मोटारसायकल ही जगातील पहिली मोटारसायकल असेल आणि ग्राहक आणि कंपनीसाठी गेम-चेंजर ठरेल अशी अपेक्षा आहे.
टीझर इमेजमध्ये बजाज सीएनजी मोटारसायकलवरील फ्लॅट सिंगल सीट दिसत आहे, जी सीएनजी टँक कॅपसारखी दिसते. या बाईकमध्ये सीएनजी आणि पेट्रोल टँकसह ड्युअल फ्यूल टँक असण्याची शक्यता आहे. कंपनी यात ड्युअल फ्यूल ऑप्शन देते. आता बजाज ही सीएनजी बाईक कोणत्या किंमतीत ऑफर करते हे पाहणं महत्त्वाचं ठरणार आहे.
सीएनजी थ्री व्हीलर बनवण्याचा कंपनीचा मोठा इतिहास आहे. परंतु, सीएनजीवर चालणारी मोटारसायकल बाजारात आणण्याची ही पहिलीच वेळ आहे. कंपनी १००- १५० सीसीमध्ये कम्युटर सेगमेंटला लक्ष्य करत आहे. आगामी बाइक ही भारताची आणि जगातील पहिली सीएनजी बाईक असेल. ही कंपनीच्या नव्या रेंजपैकी एक असेल.
काय असेल खास?
आगामी सीएनजी मोटारसायकल ही जगातील पहिली मोटारसायकल असेल. आशा आहे की, हे गेम-चेंजर सिद्ध होईल. याचे कोडनेम 'ब्रुसर' असेल. सीएनजी बाईकला लाँचिंगच्या वेळी वेगळे नाव मिळू शकते. आमचा असा विश्वास आहे की, बजाजने अलीकडेच ट्रेडमार्क केलेल्या शॉर्टलिस्ट केलेल्या नेमप्लेट्सपैकी ही एक असू शकते. बजाज यांचे म्हणणे आहे की, “सीएनजी मोटारसायकलमुळे याच सेगमेंटमधील पेट्रोलवर चालणाऱ्या मोटारसायकलच्या तुलनेत धावण्याचा खर्च ५० टक्क्यांनी कमी होईल.”
