बाजार स्टाईल आयपीओमध्ये गुंतवणूक करण्याची आज शेवटची संधी! जीएमपीसह तज्ज्ञांचं मत पाहून घ्या निर्णय

बाजार स्टाईल रिटेलच्या आयपीओचा दरपट्टा ३७० ते ३८९ रुपये प्रति इक्विटी शेअर आहे. या आयपीओतून ८३४.६८ कोटी रुपये उभे करण्याचे उद्दिष्ट ठेवले आहे. नव्यानं शेअर्सची विक्री करून १४८ कोटी रुपये आणि ऑफर फॉर सेलच्या माध्यमातून ६८६.६८ कोटी रुपये उभारण्यात येणार आहेत. दोन दिवसांत  हा आयपीओ ७२ टक्के सबस्काइब झाला आहे.

ग्रे मार्केटमध्ये काय आहे परिस्थिती?

ग्रे मार्केटनं बाजार स्टाइल रिटेल आयपीओबाबत सकारात्मक संकेत दिले आहेत. शेअर बाजार निरीक्षकांच्या मते, आजच्या ग्रे मार्केटमध्ये बाजार स्टाईल रिटेल लिमिटेडचे शेअर्स ६२ रुपयांच्या प्रीमियमवर उपलब्ध आहेत. हाच कल कायम राहिल्यास कंपनीच्या शेअरची लिस्टिंग १६ टक्के प्रीमियमवर होईल.

हेही वाचा: प्रीमियर एनर्जीजचं शेअर बाजारात दणक्यात पदार्पण! पहिल्याच दिवशी शेअरमध्ये तुफानी वाढ, गुंतवणूकदार खूष

किती सबस्क्राइब झालाय आयपीओ

सबस्क्रिप्शनच्या तिसऱ्या दिवशी दुपारी १ वाजून २७ मिनिटांपर्यंत हा आयपीओ ११.५५ पट सबस्क्राइब झाला आहे. रिटेल श्रेणीत ६.५२ पट, एनआयआय श्रेणीत ३३.१२ पट आणि क्यूआयबी भाग ४.३७ पट सब्सस्क्रिप्शन मिळालं आहे.

काय आहे एक्सपर्ट्सचं मत

अरिहंत कॅपिटलनं या आयपीओला सबस्क्राइब टॅग दिला आहे. कंपनी मजबूत वाढ आणि नफा कमावण्याच्या स्थितीत आहे. आर्थिक वर्ष २०२४ मध्ये कंपनीचा नफा महसुलाच्या ३७.९३ टक्के इतका होता. 

मास्टर कॅपिटलनं या मेनबोर्ड आयपीओला 'सबस्क्राइब' टॅग दिला आहे. आर्थिक वर्ष २०२२-२४ दरम्यान कंपनीचा महसूल ३३ टक्के सीएजीआरनं वाढला, तर याच कालावधीत एकूण जीवनशैली आणि होम व्हॅल्यू रिटेल मार्केटमध्ये १९.३ टक्के सीएजीआरनं वाढ झाली.

'टी + ३' लिस्टिंग नियमाच्या पार्श्वभूमीवर, बाजार स्टाइल रिटेल आयपीओ ४ सप्टेंबर २०२४ रोजी वितरीत होणं अपेक्षित आहे, तर आयपीओ लिस्टिंग तारीख ६ सप्टेंबर २०२४ ला होण्याची शक्यता आहे.

हेही वाचा: बजाज हाउसिंग फायनान्सचा आयपीओ येतोय! शेअरची किंमतही ठरली! जाणून घ्या सर्वकाही

रेखा झुनझुनवाला यांचा संबंध काय?

सेबीच्या वेबसाइटवर उपलब्ध असलेल्या बाजार स्टाइल रिटेल आयपीओच्या आरएचपीनुसार, रेखा झुनझुनवाला यांचं ऑफर फॉर सेल अंतर्गत शेअर विक्री करणाऱ्यांच्या यादीत आहे. त्यांनी स्वत:कडील २७,२३,१२० इक्विटी शेअर्स विक्रीस काढले आहेत. या शेअर्सचं मूल्य सुमारे १०६ कोटी रुपये आहे.

(डिस्क्लेमर: हे वृत्त केवळ माहितीपर आहेत. यात दिलेली मते आणि शिफारशी वैयक्तिक विश्लेषकांच्या आहेत. हिंदुस्तान टाइम्स मराठीची नाहीत. हा कोणत्याही प्रकारच्या गुंतवणुकीचा सल्ला नाही.  शेअर बाजारातील गुंतवणुकीत जोखीम असते. त्यामुळं निर्णय घेण्याआधी आपल्या आर्थिक सल्लागाराशी चर्चा करावी.)