ATM charges hike : आता एटीएममधून पैसे काढणं महाग होणार, ‘हे’ शुल्क वाढण्याची शक्यता
ATM interchange fee hike : तुम्ही एटीएम मशीनमधून पैसे काढत असाल तर ही बातमी तुमच्यासाठी महत्वाची आहे. काही ठराविक मोफत व्यवहारानंतर एटीएममधून पैसे काढण्यासाठी आता ग्राहकांना जास्त शुल्क द्यावे लागणार आहे.
ATM interchange fee hike : तुम्ही एटीएम मशीनमधून पैसे काढत असाल तर ही बातमी तुमच्यासाठी महत्वाची आहे. काही ठराविक मोफत व्यवहारानंतर एटीएममधून पैसे काढण्यासाठी आता ग्राहकांना जास्त शुल्क द्यावे लागणार आहे. वास्तविक, देशातील एटीएम ऑपरेटर्सनी रिझर्व्ह बँक ऑफ इंडिया (RBI) आणि नॅशनल पेमेंट कॉर्पोरेशन ऑफ इंडिया (NPCI) शी या बाबत संपर्क साधला असून एटीएम ऑपरेटर इंटरचेंज शुल्क वाढवण्याची मागणी देखील त्यांनी केली आहे.
नागपूरमध्ये स्फोटकांची निर्मिती करणाऱ्या कारखान्यात स्फोट, ५ कामगारांचा मृत्यू, ५ जखमी
काय आहे मागणी ?
इकॉनॉमिक टाईम्सने दिलेल्या वृत्तानुसार कॉन्फेडरेशन ऑफ एटीएम इंडस्ट्री (सीएटीएमआय) ने मागणी केली आहे की इंटरचेंज शुल्क प्रति व्यवहार जास्तीत जास्त २३ रुपयांनी वाढवावे. या वाढीमुळे व्यवसायास करण्यासाठी अधिक निधी मिळण्यास मदत मिळेल. एटीएम निर्माता एजीएस ट्रान्झॅक्ट टेक्नॉलॉजीजचे कार्यकारी संचालक स्टॅनली जॉन्सन यांनी सांगितले की, दोन वर्षांपूर्वी परस्पर विनिमय दर वाढविण्यात आला होता. आता पुन्हा या वाढीसंदर्भात आम्ही आरबीआयशी संपर्क साधला असून या वाढीबाबत आरबीआय अनुकूल असल्याचे दिसत आहे. CATMI ने शुल्क एटीएम व्यवहाराचे शुल्क वाढवून २१ रुपये करण्याची विनंती केली आहे. त्याच वेळी, इतर काही एटीएम निर्मात्यांनी ते हे शुल्क २३ रुपये करण्याची मागणी केली आहे. मात्र, याबाबत आरबीआयकडून अधिकृतपणे काहीही माहिती देण्यात आलेली नाही. एटीएम उत्पादकाच्या म्हणण्यानुसार, इंटरचेंज चार्जमध्ये वाढ हा एनपीसीआयने घेतलेला निर्णय आहे, कारण दर त्यांनी ठरवले आहेत.
Raj Thackeray: विधानसभेला २५० जागा लढण्याची तयारी ठेवा; राज ठाकरे यांचा कार्यकर्त्यांना आदेश
२०२१ मध्ये झाली होती वाढ
२०२ मध्ये एटीएम व्यवहारांवर इंटरचेंज चार्ज १५ रुपयांवरून १७ रुपये करण्यात आला होता. एटीएम इंटरचेंज हे शुल्क आहे जे कार्ड जारी करणाऱ्या बँकेद्वारे बँकेला दिले जाते, जिथे कार्ड रोख रक्कम काढण्यासाठी वापरले जाते. उच्च विनिमय शुल्कामुळे, बँकांना खर्चाची भरपाई करण्यासाठी मोफत व्यवहारानंतर ग्राहकांकडून घेतले जाणारे शुल्क वाढवता येईल. सध्या प्रत्येक व्यवहारासाठी ग्राहकांकडून २१ रुपयांपर्यंत शुल्क आकारले जात आहे.
PM Kisan Yojana : कोट्यवधी शेतकऱ्यांसाठी आनंदाची बातमी! पीएम किसान योजनेचा १७ हप्ता 'या' दिवशी खात्यात येणार
सध्या, बचत खातेधारकांसाठी एका महिन्यात किमान पाच व्यवहार विनामूल्य आहेत. त्याच वेळी, काही बँका आहेत ज्यांचे तीन एटीएम व्यवहार विनामूल्य आहेत. यानंतर वेगवेगळ्या बँकांच्या एटीएममधून विविध प्रकारचे शुल्कही आकारले जाते.
सध्या बँका बचत खातेदारांना बेंगळुरू, चेन्नई, हैदराबाद, कोलकाता, मुंबई आणि नवी दिल्ली येथे दरमहा किमान पाच मोफत व्यवहार देतात. इतर कोणत्याही बँकेच्या एटीएमसाठी तीन व्यवहार मोफत आहेत.
एजीएस ट्रान्झॅक्ट टेक्नॉलॉजीज या एटीएम उत्पादक कंपनीचे कार्यकारी संचालक स्टॅनली जॉन्सन यांनी इकॉनॉमिक टाइम्सला सांगितले की, दोन वर्षांपूर्वी शेवटचा इंटरचेंज दर वाढविण्यात आला होता. 'कॅटमी'ने २१ रुपयांपर्यंत शुल्कवाढ करण्याची विनंती केली आहे, तर अन्य काही एटीएम उत्पादकांनी शुल्क वाढवून २३ रुपये करण्याचा प्रस्ताव दिला आहे,' असे सांगून ते म्हणाले, 'गेल्या वेळी ही वाढ करण्यास अनेक वर्षे लागली होती.
संबंधित बातम्या